اسلام آباد (پاکستان پوائنٹ نیوز۔22 جولائی۔2016) بنجائی وزیر کانود زاہد حامد پارینے کہ 9020 بندغ آک رضاکارانہ خراج اسکیم نا رداٹ 85کروڑ روپئی جمع کرفیر۔ بجٹ اٹی خراج وصولی ءِ ودفنگ کن کیہی گام گیج تجویز کننگانو اوفتے آن خراج وصولی ءِ ودفنگ اٹی کمک رسینگک۔ جمعہ آ ایوان بالا نا دیوان اٹی وقفہ سوج آتا وخت آ سینیٹر محسن لغاری و سینیٹر نعمان وزیر نا سوج آتا ورندی ٹی بنجائی وزیر کانود زاہد حامد ایوان ءِ پارے کہ حکومت اسہ رضاکارانہ خراج اسکیم اس درستی راستی کرفے تانکہ خراج وصولی ءِ ودفنگ مرے۔
داوخت اسکان 9020 بندغ آک اسکیم نا رداٹ سلوک آ پیسہ غاتے جمع کرفیر و 85کروڑ روپئی اونا رداٹ جمع مسر۔ اوپارے کہ دا اسکیم نا اشتہاری مہم آ شش کروڑ دہ لکھ روپئی خڑچ کننگا۔ اوپارے کہ خراج نا دنگ ءِ ودفنگ کن گام گیج کننگ انگ ءِ۔ خراج دہندگان تا کچ بھاز کم ءِ۔ اوپارے کہ بجٹ اٹی خراج وصولی ءِ ودفنگ کن کیہی گام گیج تجویز کننگانے اوفتے آن خراج وصولی ءِ ودفنگ اٹی کمک رسینگک۔
