اسلام آباد(پاکستان پوائنٹ نیوز۔22 جولائی۔2016) مسکوہی سیکرٹری خارجہ نجم الدین شیخ پارینے کہ کشمیر نا ویل انا بابت پاکستان تینا مناسب ونمان کڑد ءِ ادا کننگ ءِ۔ اسہ انٹرویو اسے ٹی او پارے کہ بھارتی فورسز آتا کنڈآن مقبوضہ کشمیر اٹی واک انا کاریم اٹ ہتنگ نا ترندی اٹ مذمت ءِ کینہ، بھارت دا وڑکننگ آن آجوئی نا تحریک ءِ توننگ کپک۔ او پارے کہ مقبوضہ کشمیر اٹی انسانی حق انا خلاف ورزی تا جہانی برادری ہچ ءُ نوٹس اس ہلتو واہم ننے داچرجوئی ٹی تینا کوشست آتے برجاء تخوئی مریک۔
اوپارے کہ بھارتی وزیراعظم نریندر کمار مودی مقبوضہ کشمیر نا حالیت آتیا مذمت اٹی اسہ لوز اس ہم پارے۔ اوپارے کہ مقبوضہ کشمیر کشمیری تا حق خودارادیت نا انکار نا سوب انسانی حق انا سنگین خلاف ورزی نا حالیت آک ودی مسنو۔ بھارتی فورسز آتا کنڈآن واک انا وحشیانہ کاریم اٹ ہتنگ انسانی حق انا سنگین خلاف ورزی ءِ ولے اونا باوجود کشمیریک تینا حق انا جہد ءِ برجاء تخانو۔
