نیشنل ایکشن پلان نا رداٹ ملک اٹی فوجداری انصاف نا نظام ءِ گچین جوڑ کننگ کن سٹڈی جاری ءِ، عبوری رپورٹ زوت مون آ بریک، وزارت داخلہ

نیشنل ایکشن پلان نا رداٹ ملک اٹی فوجداری انصاف نا نظام ءِ گچین جوڑ کننگ کن سٹڈی جاری ءِ، عبوری رپورٹ زوت مون آ بریک، وزارت داخلہ

اسلام آباد(پاکستان نیوز پوائنٹ 30نومبر2016ء) وزارت داخلہ نا کنڈآن قومی اسمبلی ءِ پاننگانے کہ نیشنل ایکشن پلان نا رداٹ ملک اٹی فوجداری انصاف نا نظام ءِ گچین جوڑ کننگ کن سٹڈی جاری ءِ ہرانا عبوری رپورٹ زوت مون آ بریک۔ چارشنبے آ قومی اسمبلی نا دیوان اٹی وقفہ سوج آتا وخت شیخ صلاح الدین نا سوج انا ورندی ٹی پاننگاکہ حکومت فوجداری انصاف نا نظام ءِ گچین جوڑ کننگ نا اونا جاچ انا بناءِ کرینے۔

دا نیشنل ایکشن پلان نا بشخ اس ئس۔ بنجائی سیکرٹری داخلہ داڑآ غٹ چیف سیکرٹری ، آئی جی تتون اوڑدہی کرسا دادے مون آ دننگ آ صلابت کرینے۔ دسمبر اٹی اوٹی پیش رفت مریک۔ صوبائی کہول آ ایکسپرٹ رڑ جوڑ کننگا اوڑآ سٹڈی جاری ءِ۔ اونا عبور ی رپورٹ زوت مون آ بریک۔ نعیمہ کشور خان نا سوج انا ورندی ٹی انجینئر بلیغ الرحمان پارے کہ وزارت نا کنڈآن سندھ پولیس کن سربیا اان ہچ ءُ بکتر بند گاڈی یا سیکورٹی سامان ہلنگ تنے۔