بھارت دنیا نا توجوہ ءِ کشمیر نا ویل آن اسہ کنڈ کننگ کن کنٹرول لین و ورکنگ باؤنڈری آ بیدادی کننگ ءِ ، بنجائی وزیر بین الاصوبائی رابطہ میاں ریاض حسین پیر زادہ

اسلام آباد(پاکستان نیوز پوائنٹ 30نومبر2016ء) بنجائی وزیر بین الاصوبائی رابطہ میاں ریاض حسین پیر زادہ پارینے کہ دہشت گرد آک درملکی پیسہ ہلسا امن ءِ بھس کننگ ءُ و جنرل راحیل شریف پاکستان مسلم لیگ (ن) نا حکومت نا پشت پناہی و پبی سپورٹ آن آپریشن ضرب عضب ءِ سرسہب و ملک انا امن نا اڈتننگ ءِ باوری جوڑ کرینے۔ احوالکارآتون ہیت وگپ کرسا اوپارے کہ ننا فوج دنیا نا مون آ ثابت کرینے کہ پاک فوج دلیر و شیر انگا ورناتا فوج ءِ۔

اوپارے کہ بھارت دنیا نا توجوہ ءِ کشمیر نا ویل آن اسہ کنڈ کننگ کن لین آف کنٹرول و ورکنگ باؤنڈری آ بیدادی کننگ ءِ ہرانا پاک فوج پبی ورندی ءِ ایتک۔ اوپارے کہ دنیا کشمیر نا ویل و مقبوضہ کشمیر اٹی بھارتی بیدادی آ چپ ءِ ولے پاکستانی حکومت ، الس و عسکری سروک جانی نسخان آ چپ سلنگ کپک۔ بنجائی وزیر پارے کہ ہندا سوب ءِ کہ ساڑی آ حکومت کشمیر نا ویل ءِ مچ آ دنیا ٹی تالان کرینے۔ اوپارے کہ کشمیر نا ویل آ دنیا ہنداخاطران چپ ءِ کہ سلہہ و مذہب نا کاروبار ءِ کرسا پیسہ کٹنگ ءِ۔ اوپارے کہ اسہ دے اس بھارتی بیدادی چٹک و کشمیر نا ویل انا ایسری ہی آن ڈیہہ ٹی امن اڈ ہلیک۔