اسلام آباد(پاکستان نیوز پوائنٹ 29نومبر2016ء) صدر آزاد جموں و کشمیر سردار محمد مسعود خان پوسکن آ چیئرمین جوائنٹ چیفس آف اسٹاف کمیٹی جنرل زبیر محمود حیات و چیف آف آرمی اسٹاف جنرل قمر جاوید باجوہ ءِ ترقی و پوسکن آ زمواری تا سنبھالنگ آ مبارکبادی تسنے۔ جنرل زبیر محمود حیات چیئرمین جوائنٹ چیفس آف اسٹاف کمیٹی و جنرل قمر جاوید باجوہ چیف آف آرمی اسٹاف نا پن جتا جتا تہنیتی چھٹی تیٹی صدر آزاد کشمیر پارے کہ شون و شان کسبی مہارت ، سٹریٹجک امورنا گہرا ادراک و کیہی ادارہ غاتا سروکی آن گڈ سلہہ بند فوج و قوم ءِ نما دروشم اٹی سرسہب سپہ سالار دوبسنے، اومیت ءِ کہ نم پوسکن آ زمواری تیا ہم شون و شان سرسہبی دوئی کیرہ۔
صدر سردار مسعود خان جموں و کشمیر نا کاز انا پبی مخ تفی آ سلہہ بند فوج پاکستان ءِ خراج تحسین پیش کرسا اومیت ظاہر کرے کہ جنرل زبیر محمود حیات و جنرل قمر جاوید باجوہ نا سروکی ٹی دا شون و شان روایت نہ صرف برقرار سلک بلکن پوسکن آ بلندی تیا رسینگک۔
