جنرل قمر جاوید باجوہ ءِ زمواری تا سنبھالنگ آ مبارکبادی پیش کیوہ، شیخ رشید احمد

اسلام آباد(پاکستان نیوز پوائنٹ 29نومبر2016ء) عوامی مسلم لیگ نا سروک باسک قومی اسمبلی شیخ رشید احمد پارینے کہ آرمی چیف جنرل قمر جاوید باجوہ ءِ تینا کسبی زمواری تا سنبھالنگ آ مبارکبادی پیش کیوہ۔ سے شنبے آ پارلیمنٹ ہاؤس نا پیشن میڈیا تون ہیت وگپ کرسا اوپارے کہ چیف آف آرمی اسٹاف جنرل قمر جاوید باجوہ تجربہ کار جرنیل اسے۔ اوداکان مست اہم خذمت سرانجام تس، اونا تقرری خوش آئند ءِ۔ اسہ سوج اسے نا ورندی ٹی اوپارے کہ قومی اسمبلی نا دیوان اٹی پارلیمنٹ نا باسک آتے پبی وڑاٹ شرکت کرسا کانود سازی ٹی بایدے بشخ ہلوئی مرے، اسمبلی نا باسک آتا تنخواہ تیٹی ودکی نا باوجود پارلیمنٹ نا کورم پورو مفننگ حیرت نا ہیت اسے۔