اسلام آباد تون اوار کیہی علاقہ غاتیٹی 4.6شدت نا زمی جمب

اسلام آباد(پاکستان نیوز پوائنٹ 25نومبر2016ء) اسلام آباد تون اوار کیہی علاقہ غاتیٹی 4.6شدت نا زمی جمب نا لوڈو محسوس کننگانے۔ نجی ٹی وی چینل نارداٹ پنچ شنبے و جمعہ نا نیامی نن 11بجہ ءُ 29منٹ آ اسلام آباد، راولپنڈی ، اٹک، سوات مالاکنڈ و ہری پور نا ایب و کیب اٹی زمی جمب نا لوڈو محسوس کننگا۔ زمی جمب نا لوڈو تا سوب شاری تیٹی خلیس اس تالان مس و کلمہ ءِ کشسا تینا اُراتیان پیشن پیش تمار۔ ریکٹر اسکیل آ زمی جمب نا شدت 4.6ریکارڈ کننگا۔ زمی جمب نا بنجاکوہ ہندوکش نا مشی آ چرجوئی ٹی 35کلو میٹر ڈغار نا تہٹی ئس۔ زمی جمب نا سوب ہچ ءُ جانی و مالی نسخان اسے نا احوال ملتنے۔