سرکاری بشخ انا تیل و گیس پٹوک آ کمپنیک تینا زمواری تیان زیات تینا علاقہ غاتا شرحالی کن خڑچ کننگ ءُ وزیر مملکت پٹرولیم و قدرتی وسیلہ جام کمال نا ایوان بالا ٹی ورندی

اسلام آباد(پاکستان نیوز پوائنٹ 25نومبر2016ء) وزیر مملکت پٹرولیم و قدرتی وسیلہ جام کمال پارینے کہ تیل و گیس پٹوک آ کمپنی تے کن تینا سالانہ آمدنی نا اِرا درسد بشخ تینا لیسن والا علاقہ غاتا شونداری آ خڑچ کننگ نا ہچ ءُ شرط اس اف۔ جمعہ آ ایوان بالا نا دیوان اٹی وقفہ سوج آتا وخت سینیٹر طاہر حسین مشہدی و ایلو باسک آتا سوج آتا ورندی ٹی اوپارے کہ سرکاری بشخ انا تیل و گیس پٹوک آ کمپنیک تینا زمواری تیان زیات تینا علاقہ غاتا شرحالی کن زرخڑچ کننگ ءُ۔ دا بابت او جی ڈی سی ایل 2008 ء آن داوخت اسکان اِرا ارب 84کروڑ روپئی آن زیات و پی پی ایل پنچ ارب 64کروڑ روپئی آن زیات خڑچ کرینے۔