اسلام آباد(پاکستان پوائنٹ نیوز۔21 جولائی۔2016) سینیٹ مدینہ منورہ ٹی خودکش دھماکہ غا قرارداد مذمت نا منظوری ءِ تس۔ پنچ شنبے آ ایوان بالا نا دیوان نا وخت آ سینیٹر حافظ حمداللہ دا چرجوئی ٹی قرارداد پیش کرے۔ قرارداد اٹی پاننگانے کہ دا ایوان مدینہ منورہ ٹی خودکش بمب دھماکہ نا ترندی اٹ مذمت ءِ کیک و زہمی خاہوت آتون ہمدردی نا درشانی ءِ کیک۔
مدینہ منورہ اسلام نا است ءِ و دامقدس شار اٹی ہندا کارروائی کروک آعنصر آک کل امت مسلہ نا است ءِ ٹکر ٹکر کرینو۔ دا وڑنا جلہو کروک آتا ہچ ءُ مذہب و وطن اس مفک۔ داجلہو ہندن ءُ وخت اسے ٹی کننگا ہراتم رمضان المبارک اٹی مدینہ منورہ ٹی لکھ آ مسلمانک ساڑی ئسر۔ دنیا نا کیہی ملک آتیان بروک آ مسلمان تے نشانہ جوڑ کننگ نا کوشست کننگا۔ قرارداد اٹی پاننگانے کہ عسکریت پسندی نا چٹفنگ کن ایوان نا کنڈآن گچین حکمت علی اس اختیار کننگ نا گرج ءِ۔ اوکان گڈ قرارداد ءِ امنائی اٹ منظور کننگا۔
