صدر مملکت نا چیئرمین جوائنٹ چیفس آف اسٹاف کمیٹی جنرل راشد محمودتون سپاروکی اوڑدہی ٹی ہیت وگپ

صدر مملکت نا چیئرمین جوائنٹ چیفس آف اسٹاف کمیٹی جنرل راشد محمودتون سپاروکی اوڑدہی ٹی ہیت وگپ

اسلام آباد(پاکستان نیوز پوائنٹ 24نومبر2016ء) صدر مملکت ممنون حسین پارینے کہ ملک انا دفاع سوگو دوتیٹی ءِ، ننا قوم و سلہہ بند فوج دشمن نا ہروڑنا جلہو نا ورندی ءِ تننگ کن ہروخت تیار ءُ۔ اوداہیت ءِ چیئرمین جوائنٹ چیفس آف اسٹاف کمیٹی جنرل راشدمحمود تون ہیت وگپ کرسا پارے ہراپنچ شنبے آ ایوان صدر اٹی اوڑتون سپاروکی اوڑدہی کرے۔ صدر مملکت جنرل راشد محمود نا خذمت و ”آپریشن ضرب عضب“ نا سرسہبی ٹی اونا کوشست آتا ستاءِ کرے۔

اوپارے کہ جنرل راشد محمود اسہ سچا و پیشہ ورانہ سپاہی اسے و اونا قائدانہ لائخی تا سوب سلہہ بند فوج انا مہارت و کسبی لائخی تیٹی ودکی مسنے۔ صدر پارے کہ پاکستان نا سلہہ بند فوج دنیا نا گچین فوج آتیان ءِ و او ہروڑنا ناگہانی آفت نا بھاز دلیری و جوان مردی اٹ مقابلہ ءِ کرینو۔ جنرل راشد محمود تینا مدت نا وخت صدر مملکت نا کمکاری و راہشونی آ اونا منت واری ءِ ادا کرے۔