کراچی(پاکستان نیوز پوائنٹ 23نومبر2016ء) صدر مملکت ممنون حسین پارینے کہ کراچی نا امن شونداری و سوگوی نا ضمانت ءِ ہنداخاطران بدامنی نا برخلاف کارروائی ءِ اونا منطقی ایسری اسکان سرکننگے و ڈوہدار آتون ہچ ءُ رعایت اس کننگپ۔ اوداپارت ءِ ڈائریکٹر جنرل رینجرز میجر جنرل بلال اکبر تون چارشنبے آ ہیت وگپ کرسا تس ہراک صدارتی کیمپ آفس کراچی ٹی اوڑتون اوڑدہی کریر۔
صدر مملکت اوفتے پارت کرے کہ کراچی نا شاری تے احساس رکھ تننگ کن ڈوہدار آتا برخلاف بے پرخ کارروائی ہی اسٹ انگا ایسری ءِ۔ اوشار اٹی امن نا بحالی کن رینجرز نا خذمت آتا ستاءِ کرے و پارے کہ سیکورٹی فورس وکانود نافذ کروک آ ادارہ غاتا افسر و ورناک امن اڈتننگ کن بھلو قربانی اس تسنو ہراڑآ قوم اوفتیا فخر کیک۔ اوپارے کہ قومی معیشت نا سوگوی نا مسخت نا دوئی بدامنی و دہشت گردی نا پوروچٹفنگ آن ہی ممکن ءِ ہراڑکن کانود نافذ کروک آ ادارہ و الس نا نیام اٹ ہم آہنگی المی ءِ۔ داوخت آ میجر جنرل بلال اکبر صدر مملکت ءِ شار انا حالیت و بدامنی نا برخلاف کارروائی تا سرجم آتیان معلومدار کرے۔
