اسلام آباد (پاکستان پوائنٹ نیوز۔21 جولائی۔2016) آزاد کشمیر نا چیف الیکشن کمشنر جسٹس غلام مصطفی مغل کانود ساز اسمبلی کن گچین کاری نا عمل آ است جمی نا درشانی ءِ کرینے۔ نجی ٹیلی ویژن تون ہیت وگپ کرسا اوپارے کہ آزاد کشمیر اٹی گچین کاری تے کن پولنگ نا عمل سہب انا 8بجہ غان بناء کرے ہراٹی خلقت آک جوش و جوزہ اٹ بشخ ہلکر۔ اوپارے کہ گچین کاری نا عمل پرامن وڑاٹ جاری ءِ و اوڑکن سیکورٹی نا سخت بست و بند کننگانے و گچین کاری عمل نا وخت آ لوڈشیڈنگ ہم کننگپک۔
یات سلے کہ آزاد کشمیر کانود سازاسمبلی نا گچین کاری ٹی ، مسلم لیگ ن ، پیپلز پارٹی ، تحریک انصاف ، آل جموں و کشمیر مسلم کانفرنس ، جماعت اسلامی تون اوار 26جماعت آک و آزاد اومیت دار آک بشخ ہلنگ ءُ ۔ کانود سازاسمبلی نا 29اومیت دار آتا گچین کاری ءِ آزاد کشمیر نا الس کیک وخت اس کہ 12اومیت دار آتے کن پاکستان نا کیہی بشخ آتے ٹی رہینگوک کشمیری مہاجر آک وونٹ بٹیرہ۔
