کوئٹہ(پاکستان نیوز پوائنٹ 17نومبر2016ء) پاکستان مسلم لیگ (ن) ءِ سینیٹر سردار محمد یعقوب خان ناصر ءَ ترکی ءِ صدر رجب طیب اردگان ءِ ترءُُ تاب پاکستان ءِ خیر مقدم کنگ ءَ گشتگ کہ ترکی ءَ ہر مشکل وھد ءَ پاکستان ءِ سرجمی ءَ گوں داتگ انت، ترکی صدر ءِ تر ءُُ تاب پاکستان ءَ دوئیں برات اسلامی ملک آنینیام ءَ سیادی ءِ یک نوکیں وھد بندات بیت، اے گپ آئی ءَ پنچ شمبے ءَ اے پی پی ءِ گوں گپ ءُُ تران کنگءَ کرتگ۔
سینیٹر سردار محمد یعقوب خان ناصر ءَ گشتگ کہ پاکستان ءُُ ترکی مذہبی ءُُ تاریخی رشتگ آں ہمگرنچ انت ترکی پاکستان ءِ سچ ءُُ قابل اعتبار دوست انت ترک صدر ءِ آھگ ءَ دوئیں ملک آنی نیام ءَ واپاری چاگردی ءُُ دود ءُُ ربیدگی سیادی ءَ دِگہ شر تری کیت، آئیءَ گشتگ کہ ترکی ءُُ پاکستان ءِ نیام ءَ باز لا زوال ءُُ بے مثال سیادی ھست انت ءُُ دوئیں ملک یک جان دو دِل انت، ترک صدر ءِ تر ءُُ تاب پاکستانءَ دوئیں ملک آنی نیام ءَ سیادی ءَ دِگہ شر تری ءُُ لہتیں شعبہ آں کمک ءِ معاہدہءِ سرا دستخط کرت انت ترکی صدر رجب طیب اردگان ءِ پارلیمنٹ ءِ ھواریں مراگش ءَ تران یک تاریخی سنگ میل ءِ جہت داریت۔
