پاکستان ءُُ ڈینش کمپنی ءِ نیام ءَ رابطہ ءَ تیزی دوئیں ملک آنی نیام ءَ وشیں دوستانہ سیادی ءِ واضح ثبوت انت، سفیر ڈنمارک

پاکستان ءُُ ڈینش کمپنی ءِ نیام ءَ رابطہ ءَ تیزی دوئیں ملک آنی نیام ءَ وشیں دوستانہ سیادی ءِ واضح ثبوت انت، سفیر ڈنمارک

اسلام آباد(پاکستان نیوز پوائنٹ 17نومبر2016ء) پاکستان ءَ ڈنمارک ءِ سفیر اولے تھونکی ءَ گشتگ انتکہ پاکستانءُُ ڈینش کمپنی ءِ نیام ءَ رابطہ ءَ تیزی دوئیں ملک آنی نیام ءَ وشیں دوستانہ سیادی ءِ واضح ثبوت انت۔ پاکستان ءِ فوڈ پروسیسنگ صنعت تیزی ءَ دیمروی ءِ راہ ءَ روان انت۔ اے گپ آئی ءَ پنچ شمبے ءَ فوڈ اینڈ ایگری بزنس سیکٹر ڈنمارک ءِ کمپنی ءِ ٹولہ ءِ ھاتر ءَ ڈینش سفارتخانہ ءِ بند ءُُ بست ءَ یک ہفتگ دراجیں پروگرام ءِ موہ ءَ کرتگ۔

اسلام آباد ءَ ڈنمارک ءِ سفیر ٹولہ ءِ سروکی کنگءَ ات۔ کمرشل قونصلر ءِ سروکی ءَ سفارتخانہ ءِ ٹیم ہم آئی ءِ ہمراہ انت۔ ڈنمارک ءِ 7کمپنی آں پاکستانءَ وردن ءُُ غذائیت ءِ معیار ءِ شر تری ءِ ھاتر ءَ چیز ءُُ ٹیکنالوجیکل حل ءِ لہتیں سفارشت پیش کرت انت۔ درستیں پاکستان ءَ کارءُُ باری گندءُُ نند آنی وھدءَ ڈینش کمپنی آں میوگ ءِ بنیات ءِ سرا خام چیز، کولڈ سٹوریج مسئلہ ءِ ھل، فوڈ انسپکشن ءُُ کوالٹی کنٹرول چیز آنی ھواریں ءَ ڈیری پیکج ءِ ھل پیش کرت انت۔ ڈینش سفیر ءَ گشتگ کہ پاکستان شیر پیداک کنوکیں دگنیا ءِ چار می ءُُ لائیو سٹاک ءِ سیمی مزنیں ملک انت، پاکستان ءَ مڈل کلاس ءُُ لوٹ ءَ اضافہ ءِ وجہء َ فوڈ پروسیسنگ انڈسٹری تیزی ءَ دیمروی کنگءَ انت۔