جرمنی، برطانیہ ءُُ جاپان ءِ فنی وانگءُُ زانگ ءُُ ھیل کاری ءِ پڑ ءَ پاکستانءَ درستیں کمک ءِ یقین دہانی

جرمنی، برطانیہ ءُُ جاپان ءِ فنی وانگءُُ زانگ ءُُ ھیل کاری ءِ پڑ ءَ پاکستانءَ درستیں کمک ءِ یقین دہانی

اسلام آباد(پاکستان نیوز پوائنٹ 17نومبر2016ء) جرمنی، برطانیہ ءُُ جاپان ءَ فنی وانگءُُ زانگءُُ ھیل کاری ءِ پڑ ءَ پاکستانءَ درستیں کمک ءِ یقین دہانی کنگ ءَ سکل سیکٹر ءَ دیمروی دئیگ ءِ ھاتر ءَ لہتیں ھواریں منصوبہ بندات کنگءِ عندیہ داتگ انت۔ پنچ شمبے ءَ جرمنی، برطانیہ ءُُ جاپانءِ ٹولہءَ نیو ٹیک ءِ ہیڈکوارٹر ءَ نیو ٹیک ءِ ایگزیکٹو ڈائریکٹر ذوالفقار احمد چیمہ ءَ گند ءُُ نند کرتگ۔

سے ملک آنی تکنیکی ءُُ فنی ھیل کاری ءِ زانت کار آنی ھواری ءَ ھواریں ٹولہ ءَ برطانیہ ءِ ایڈ مرل امجد حسینءُُ جاپانءِ مسٹر سو نو ڈا ہم ھوار ات انت۔ گندءُُ نند ءِ مکسد پاکستان، جرنی، یو کے ءُُ جاپان ءِ نیام ءَ فنی ءُُ پیشہ وارانہ ھیل کاری پڑ ءَ کمک ءَ دیمروی دئیگ ءُُ نوکیں ھواریں منصوبہ ءِ سرا ھیال ءُُ لیکھہ ات۔ گندءُُ نندءَ ایگزیکٹو ڈائریکٹر ءَ ٹولہ ءَ نیو ٹک ءِ ردا پاکستان ءَ ٹیوٹ ءِ دئیگ ءُُ سسٹم ءَ کرتگیں گہتری ءُُ گام گیج ءِ باروا آگایہ کرتگ ءُُ ھستیں سسٹم ءَ دِگہ شرتری آرگ ءِ ھاتر ءَ سے ملک آں گوں ھواریں کمک ءِ لہتیں پڑ آں گپ ءُُ تران کرت انت۔

در ملکی ٹولہ ءَ فنی وانگ ءُُ زانگ ءِ پڑ ءَ پاکستان ءَ سرجمی ءَ کمک ءِ یقین داتگ ءُُ سکل سیکٹر ءَ دیمروی دئیگ ءِ ھاتر ءَ لہتیں ھواریں منصوبہ بندات کنگءِ عندیہ کرتگ۔ آئی ءَ نیوٹیک ءِ نوکیں گام گیج ءُُ فنی ہنر مندی ءِ مقابلہ ءَ وش گشتگ۔