ڈیرہ مراد جمالی، متکن ءُ دشمنی اسے نا بناء آ سلہہ بند بندغ آتا سم کاری آن اسہ بندغ اس کسک

کوئٹہ(پاکستان نیوز پوائنٹ 17نومبر2016ء) ڈیرہ مراد جمالی نا خڑک متکن ءُ دشمنی اسے نا بناء آ سلہہ بند بندغ آتا سم کاری، اسہ بندغ اس کسک۔ پولیس بروخت کارروائی کرسا اسہ دوبہ دار اسے دزگیر کرے۔ پولیس نارداٹ پنچ شنبے آ ڈیرہ مراد جمالی نا خڑک گوٹھ علی نواز اٹی متکن ءُ دشمنی اسے نا بناء آ سلہہ بند بندغ آک سم کاری کریر ہراٹی کریم بخش پنی ءُ بندغ اس موقع غاہی کسک وخت اس کہ پولیس بروخت کارروائی کرسا اسہ دوبہ دارارباب علی ءِ دزگیر کرے، پولیس لاش ءِ ڈیرہ مراد جمالی سول ہسپتال آ گدریفے ہراڑے المی کارروائی آن گڈ لاش ءِ اوفتا وارث آتا حوالہ کریر۔ پولیس دزگیر دوبہ دار آن مستی جاست وپاست نا بناءِ کرینے۔