سی پیک پروجیکٹ نا بابت سپنزن آن کچلاک اسکان زوت ریلوے ٹریک نا بناءِ کینہ، ڈی ایس ریلوے محمد حنیف گل نا پریس کانفرنس

سی پیک پروجیکٹ نا بابت سپنزن آن کچلاک اسکان زوت ریلوے ٹریک نا بناءِ کینہ، ڈی ایس ریلوے محمد حنیف گل نا پریس کانفرنس

کوئٹہ(پاکستان نیوز پوائنٹ 15نومبر2016ء) ڈی ایس ریلوے محمد حنیف گل پارینے کہ سی پیک پروجیکٹ نا بابت سپنزن آن کچلاک اسکان زوت ریلوے ٹریک نا بناءِ کینہ وخت اس کہ کوئٹہ تون اوار بلوچستان نا پنچ ریلوے اسٹیشن ءِ اپ گریڈیشن کینہ و ہر حادثہ غان بچنگ کن پھاٹک جوڑ کینہ، محکمہ ٹی کرپشن و نمک حرام خلقت آتا برخلاف پبی کارروائی کینہ، لینڈ مافیا تا کنڈآن ڈغار تیا ہرا کوزہ کننگانے او رضاکارانہ وڑاٹ ڈغار تے محکمہ نا حوالہ کیر ورنہ اوفتا برخلاف کریک ڈاؤن نا بناءِ کینہ۔ داہیت ءِ او تینا آفس اٹی کانفرنس ہال نا افتتاح آن گڈ پریس کانفرنس کرسا پارے۔ داوخت آ ایگزیکٹو انجینئر شیخ عمران ، ڈویژن آفیسر جہانزیب و میڈیا کوآرڈینیٹر کاشف ئسک ہم ساڑی ئسر۔