جعفرآباد(پاکستان نیوز پوائنٹ 15نومبر2016ء) پنجاب نا ضلع میانوالی آن تعلق تخوک آ اِرا تو مست پنجاب نا ضلع میانوالی نا علاقہ چکڑالاآن اِرانیاڑی و مسہ چنامبینہ وڑاٹ برمتہ مسوسر ہرافتے صحبت پور نا علاقہ منور کھوسہ نا گوٹھ اٹی اودیم کننگاسس۔ پنجاب پولیس ءِ اودیم احوال ملا کہ اسہ ہی اُرا نا پنچ بندغ ءِ برمتہ کرسا بلوچستان نا ضلع صحبت پور نا علاقہ منور خان کھوسہ ٹی اودیم کننگانے تو پنجاب پولیس تھانہ صحبت پور نا پولیس نا کمک اٹ ڈی پی او تون اوار بھلو نفری اسے تون گوٹھ منورخان کھوسہ ٹی چھاپہ خلکر و مسہ چنا دُوانزدہ سال انا شکیلا بنت محمد رشید قوم اعون، ہفت سال انا نویداں بی بی بنت محمد اسلم قوم اعوان و دہ سال انا چنا حارث ولد محمد اسلم ءِ دوبہ دارآتا دُو آن آجو کرفیر۔
مسہ دوبہ دار طالب حسین ولد آزاد، مورخان ولد طالب حسین، محمد اسلم ولد آزاد ءِ دزگیر کرسا تھانہ غا گدریفنگا وخت اس کہ اِرا نیاڑی داسکان بازیاب مننگ کتنو۔ پولیس نا رداٹ صحبت پور پولیس و پنجاب پولیس کیہی جاگہ غاتیا چھاپہ خلنگ ءُ۔
