بنجائی وزیر خزانہ سینیٹر اسحاق ڈار نا کماشی ٹی فیڈرل بورڈ آف ریونیو ، فنانشل مانیٹرنگ یونٹ و فنانس ڈویژن نا کمامدارآتا دیوان

بنجائی وزیر خزانہ سینیٹر اسحاق ڈار نا کماشی ٹی فیڈرل بورڈ آف ریونیو ، فنانشل مانیٹرنگ یونٹ و فنانس ڈویژن نا کمامدارآتا دیوان

اسلام آباد(پاکستان نیوز پوائنٹ 15نومبر2016ء) بنجائی وزیر خزانہ سینیٹر اسحاق ڈار نا کماشی ٹی فیڈرل بورڈ آف ریونیو ، فنانشل مانیٹرنگ یونٹ و فنانس ڈویژن نا کمامدار آتا اسہ دیوان اس سے شنبے آ مس ہراٹی اینٹی لانڈرنگ/دہشت گردی کن مالی کمکاری نا انسداد آن بابت معاملہ غاتیا شرہ کننگا۔ وزیر خزانہ ءِ منی لانڈرنگ و دہشت گردی کن مالی کمکاری نا انسدادنا بابت جتا کانود اٹی درستی راستی کرفوک اصلاحات آتا بارواٹی بریفنگ تننگا۔

داوخت آ اوپارے کہ حکومت شفافیت و گچین طرز حکمرانی کن کیہی گام گیج آتے کرینے۔ دا چرجوئی ٹی کمپنیز آرڈیننس 2016ء نافذ کننگانے ہراٹی سیکورٹی اینڈ ایکسچینج کمیشن آف پاکستان ءِ جاست و پاست کننگ و فراڈ ، منی لانڈرنگ و ٹیرارازم فنانسنگ نا برخلاف اسیجائی جاست و پاست نا انعقاد نا واک آتے تننگانے۔ اوپارے کہ غیر کانودی زرو مون انگا دھن کن بے پنی ٹرانزیکشن نا کاریم اٹ اتنگ ءِ توننگ کن ساڑی ہی ٹی قومی اسمبلی بے پنی کانود اس ہم پاس کرینے۔

ہنداوڑ حکومت پراپرٹی نا قدر انا تعین و تعلقدار خراج کن ہم گام گیج کرینے۔ پاکستان خراج معاملہ غاتیٹی او ای سی ڈی کثیر الجہتی کنونشن برائے تین پہ تینی بست و بندی کمکاری نا ہم باسک جوڑ مسنے، اوکان بیدس کمپنیز گلوبل رجسٹر آف بینیفیشل اونر شپ کون آ پوسکن آ گام گیج ہم کننگانے ہراڑآن بدعنوانی نا چٹفنگ و آف شور زرکارآتیان بابت چیلنج آتے ایسر کننگ تون اوار اوار گورننس اٹی شفافیت ءِ باوری جوڑ کننگ اٹی کمک رسینگک۔

وزیر خزانہ پارے کہ دہشت گردی نا برخلاف آپریشن ضرب عضب تون اوار اوار کانود سازی تون اوار کیہی اصلاحات و گام گیج آتیٹی دہشت گردی نا لعنت و دہشت گردی کن مالی کمکاری ٹی گچین کمتی اتنگا۔ اودیوان نا ساڑی مروک آتیا زورشاغا کہ او کانود و گام گیج آتا گچین و ترند نفاذ ءِ باوری جوڑ کیر تانکہ اوفتا درکار مسخت آتے دوئی کننگ مرے۔ دیوان اٹی وزارت خزانہ، ایف بی آر و ایف ایم یو نا سینئر کمامدارآک ساڑی ئسر۔