اوغان حکومت اوغان مہاجر آتے ہنکین آتون اوار ایلو آسراتی تے ایتے تو وطن آ پدی ہِننگ کن تیار ءُ، ملک اول خان

اوغان حکومت اوغان مہاجر آتے ہنکین آتون اوار ایلو آسراتی تے ایتے تو وطن آ پدی ہِننگ کن تیار ءُ، ملک اول خان

اسلام آباد (پاکستان پوائنٹ نیوز۔20 جولائی۔2016) کوہاٹ اٹی اوغان مہاجر نا کیمپ نا نمائندہ ملک اول خان پارینے کہ اوغانستان نا حکومت پاکستان اٹی رہینگوک اوغان مہاجر آتے ہنکین آتون اوار ایلو آسراتی تے فراوان کے تو او تینا وطن آ پدی ہِننگ کن تیار ءُ ۔ چارشنبے آ اوغان مہاجر آتا گرینڈ جرگہ نا وخت آ اے پی پی تون خصوصی ہیت وگپ کرسا اوپارے کہ امریکہ اوغانستان اٹی تینا مفادات آتا جنگ ءِ کننگ ءِ ، اودے اوغان الس و اوغانستان تون ہچ ءُ غرض اس اف۔

اشرف غنی و عبداللہ عبداللہ اِرا جتا جتا بدن نا کاٹم تا سروک ءُ ہرا الس نا مفاداٹی افس بلکن تینا مفاد اٹی کاریم کننگ ءُ۔ داکان مست اوغان مہاجر آتامشران جرگہ آن تران کننگ کن اسہ ایلوتون جنگ لگار۔ وزارت سیفران نا عملہ پنچ رڑتا مشران آتے جتا جتا تقریر کننگ کن رضا مند کرے۔