مچ آ ملک اٹی نادرا نا 559 بنجاء کاریم کننگ ءُ، وی آئی پیز کن جتاآن ہچ ءُ بنجاء نا جاگہ اس اڈ ہلوک اف بنجائی وزیر پارلیمانی امور شیخ آفتا ب احمد نا ایوان بالا ٹی وقفہ سوج آتا وخت آ ورندی

اسلام آباد(پاکستان پوائنٹ نیوز۔20 جولائی۔2016) سینیٹ ءِ پاننگانے کہ مچ آ ملک اٹی نادرا نا 559 بنجاء کاریم کننگ ءُ، وی آئی پیز کن جتاآن بنجاء نا ہچ ءُ جاگہ اس اڈ ہلوک اف۔چارشنبے آ ایوان بالا ٹی وقفہ سوج آتا وخت آ سینیٹر حافظ حمداللہ ، میاں عتیق شیخ و اعظم موسیٰ خیل نا سوج آتا ورندی ٹی بنجائی وزیر پارلیمانی امور شیخ آفتاب احمد پارے کہ بلوچستان اٹی نادرا نا63رجسٹریشن بنجاء کاریم کننگ ءُ۔ دا سنٹر آک آبادی نا گرج ءِ مون آ تخسا اڈ تننگرہ۔ اوپارے کہ مچ آ ملک اٹی 559 بنجاء کاریم کننگ ءُ۔ بلوچستان نا پوسکن آ ضلعی ہیڈ کوارٹرضلع صحبت پور اٹی زوت پوسکن ءُ نادرا بنجاء اس اڈ تننگک۔ اوپار ے کہ ملک اٹی وی آئی پیز آتے کن ہچ ءُ جتا آن بنجاء اس اڈ ہلوک اف و فیس ہم بریبر ءِ۔