ترک صدر نا پارلیمنٹ نا ہڑتوم آایوان تا اسیجائی دیوان آن تران، قومی اسمبلی سیکرٹریٹ تیاری تا بناءِ کرے

ترک صدر نا پارلیمنٹ نا ہڑتوم آایوان تا اسیجائی دیوان آن تران، قومی اسمبلی سیکرٹریٹ تیاری تا بناءِ کرے

اسلام آباد(پاکستان نیوز پوائنٹ 14نومبر2016ء) قومی اسمبلی سیکرٹریٹ ترک صدر نا پارلیمنٹ نا ہڑتوم آایوان تا اسیجائی دیوان آن تران نا بابت تیاری تا بناءِ کرینے۔ دوشنبے آ ڈائریکٹر جنرل پروٹوکول انور سیال نا کماشی ٹی دیوان مس ہراٹی قومی اسمبلی سیکرٹریٹ و پارلیمنٹ ہاؤس نا ایلو تعلقدار عملہ غاک ساڑی ئسر۔ دیوان اٹی مہمان تا بننگ، سیکورٹی بست و بند آتون اوار ایلو معاملہ غاتا سرجم جاچ ءِ ہلنگا و داچرجوئی ٹی ڈائریکٹر جنرل تعلقدار عملہ ءِ زمواری تے تس۔ یات سلے کہ پارلیمنٹ نا اسیجائی دیوان نا 17نومبر آ اومیت ارے ہراڑآن ترک صدر رجب طیب اردوان ایردوان تران کیک۔