اسلام آباد(پاکستان نیوز پوائنٹ 14نومبر2016ء) بنجائی وزراء خواجہ محمد آصف و لیفٹیننٹ جنرل عبدالقادر بلوچ بھارتی فوج انا بلااشتعال سم کاری نا ترندی اٹ مذمت ءِ کرسا پارینو کہ ننا فوج بھارتی اشتعال انگیزی نا پبی ورندی ءِ تننگ ءِ، جہانی برادری بھارتی بیدادی و کنٹرول لین آ سلہہ غاتا کاریم اٹ اتنگ نا نوٹس ءِ ہلے۔ چارشنبے آ میڈیا تون ہیت وگپ کرسا بنجائی وزیر خواجہ محمد آصف پارے کہ ننا سفارتکار آک بھارتی بیدادی ءِ جہانی فورم آتیا تالان کیرہ۔
اوپارے کہ پاکستان اٹی معاشی شونداری آن بھارت تینے بے رکھ تکنگ اٹی ءِ ہنداخاطران داوڑنا گام گیج آتے کننگ ءِ۔ ننا فوج بھارتی اشتعال انگیزی نا پبی ورندی ءِ تننگ ءِ۔ بنجائی وزیر سیمی و ریاستی لیفٹیننٹ جنرل (ر) عبدالقادر بلوچ پارینے کہ بھارت ءِ ہندن ءُ ورندی اس ایتنہ کہ اوہمیشہ یات تخک۔ اوپارے کہ قوم انا چنا چنا وطن نا رکھ اکن تیار ءِ۔ اوپارے کہ مچ آ قوم پاک فوج تون سلوک ءِ۔
