اسلام آباد(پاکستان نیوز پوائنٹ 14نومبر2016ء) وزیراعظم محمد نواز شریف پارت کرینے کہ اسلام آباد نا پوسکن آ بالی پٹ ءِ غٹ درکار آسراتی تتون حقی معنی ٹی پوسکن آ بالی پٹ نا وڑ اٹ پورو کننگے، اونا زیبائی ٹی بایدے متنوع دودوربیدہ نا ہم نمان وڑاٹ عکاسی مرے۔ اوداپارت آتے دوشنبے آ وزیراعظم ہاؤس اٹی نیو اسلام آباد بالی پٹ نا جوڑ جاڑ نا بابت اسہ دیوان اسے نا کماشی ءِ کرسا جاری کرے۔
وزیراعظم ءِ نیو اسلام آباد بالی پٹ نا ڈیزائن، رابطہ روڈو انٹیریئر ڈیزائننگ نا بارواٹی معلومدار کننگا۔ وزیراعظم پارت کرے کہ پوسکن آ بالی پٹ اسکان آسان و ترند تر رسینگ ءِ باوری جوڑ کننگ کن معیاری رابطہ روڈ جاڑ جاڑ کننگے۔ اوپارے کہ دا تینا تہہ نا زیبائی ٹی ننا بایدے متنوع دودوربیدہ نا نمان عکاسی نا حامل اسہ پوسکن ءُ بالی پٹ اس مرے۔ دیوان اٹی سیکرٹری خزانہ ، سیکرٹری و ڈی جی تہوبازی، چیئرمین این ایچ اے ، میئر اسلام آباد و سینئر سرکاری کمامدارآک ساڑی ئسر۔
