سردار ایاز صادق و مرتضیٰ جاوید عباسی نا پاک چین اقتصادی راہداری نا اولیکو پائلٹ پروجیکٹ نا کمک اٹ گوادر پورٹ نا فعال مننگ آ مچ آ قوم ءِ مبارکباد

سردار ایاز صادق و مرتضیٰ جاوید عباسی نا پاک چین اقتصادی راہداری نا اولیکو پائلٹ پروجیکٹ نا کمک اٹ گوادر پورٹ نا فعال مننگ آ مچ آ قوم ءِ مبارکباد

اسلام آباد(پاکستان نیوز پوائنٹ 14نومبر2016ء) اسپیکر قومی اسمبلی سردار ایاز صادق و ڈپٹی اسپیکر مرتضیٰ جاوید عباسی پاک چین اقتصادی راہداری نا اولیکو پائلٹ پروجیکٹ نا کمک اٹ گوادر پورٹ نا فعال مننگ آ مچ آ قوم ءِ مبارکبادی تسنو۔ تینا جتا جتا تہنیتی کلہو آتیٹی ہڑتوم آ راہشونک پارینو کہ پاک چین اقتصادی راہداری ڈٹ انا پورو مننگ پاکستان و چین نا لازوال سنگتی نا شاہدی اسے۔ سردار ایاز صادق پارے کہ دا ڈٹ آن ہڑتوم آ ملک آک شونداری نا مزل ءِ طے کرسا ڈیہہ نا ایلو ملک آتے کن ہم سودمند ثابت مریرہ۔ اوپاریر کہ پاک چین اقتصادی راہداری ڈٹ انا ایسری اسکان سرمننگ آن پاکستان نا لس بندغ نا زند انا آب ہم گچین مریک۔