بلاول بھٹو زرداری نا جہانگیر بدر نا کذیت آ افسوزنا درشانی، مسہ دے ئی ماتن نا پڑو

بلاول بھٹو زرداری نا جہانگیر بدر نا کذیت آ افسوزنا درشانی، مسہ دے ئی ماتن نا پڑو

کراچی(پاکستان نیوز پوائنٹ 14نومبر2016ء) پاکستان پیپلزپارٹی نا چیئرمین بلاول بھٹو زرداری پارٹی نا سینئر راہشون جہانگیر بدر نا کذیت آ بے کچ ڈکھ و افسوزنادرشانی ءِ کرینے۔ بلاول ہاؤس آن جاری بیان اٹی پاننگانے کہ پاکستان پیپلزپارٹی نا چیئرمین جہانگیر بدر نا کذیت آ پارٹی نا غٹ اختہ ہی تے ملتوی کننگ و مسہ دے ئی ماتن نا پڑو ءِ کرینے۔ بلاول بھٹو زرداری سوشل میڈیا آ تینا ٹوئیٹ اٹی پارے کہ ای جہانگیر بدر نا کذیت نا بنگٹ تو کنے بھاز افسوز مس کنے دُن خبر الو کہ کنے دا سفر ءِ نے آن بیدس کروئی تمک۔

بلاول بھٹو زرداری پارے کہ جہانگیر بدر اسہ گچین ءُ جیالہ اس ئس ہرامارشل لاء نا برخلاف جنگ کرے و قیدوبندنا سزاتے برداشت کرے ولے تینا کاٹم ءِ شیف توتو۔ بلاول پڑ و کرے کہ جہانگیر بدر نا اناگت کذیت آ پارٹی مچ آ ملک اٹی مسہ دے ئی ماتن کیک۔ اوایماندار ناخاہوت و غٹ جیالہ غاتون ہمدردی نا درشانی ءِ کرسا پارے کہ جہانگیر بدرپارٹی نا اسہ نڈر راہشون و باہمت کارندہ اس ئس اونا خذمت آتے ہمیشہ یات تخنگک۔