اسلام آباد (پاکستان نیوز پوائنٹ 12نومبر2016ء) صدر مملکت ممنون حسین ءَ کمپنیز آرڈیننس 2016ءِ برجم دارگ ءِ منظوری دات۔بُنجاھی وزیر ءِ ھزانگ اسحاق ڈار ءَ یک شمبے ءِ روچ ءَ یک بیانے ءِ تہ ءَ گوشت کہ کپمنیز آرڈیننس 2016توامیں شریکدار آنی گوما سرجمیں شور ءُُ سلاھ ءَ پد برجم دارگ ءِ حکم دات، آرڈیننس ءِ مول ءُُ مراد کارپوریٹ سیکٹر ءَ میاں اوستمانی وڑ ءُُ پیم ءَ کنگی اِنت۔
نوکیں کانود ءَ چہ معشیت ءِ تہ ءَ جوانتری کئیت ءُُ اقتصادی دیمروئی ءِ کچ ءُُ کساس ودایت ءُُ وتی اندری جیڈھ آنی گیش گر ءُُ دار کنگ بیت۔ وزیر ءِ ھزانگ ءَ گوشت کہ اے گام سوداگر آنی کوھنیں لوٹ ءِ بوتگ، آڈیننس ءِ سبب ءَ کمپنی آنی برجائی ءِ کار ءِ تہ ءَ آسانی ، ٹیکنالوجیءِ گیشاں چہ گیش کارمردیءُُ رجسٹر نہ بوتگیں کمپنی آناں بُک کنگ یا انٹری فارم ءَ فزیکل شیرز آنی مٹی ءُُ توامیں پڑ ءَ کاگد آنی دل بڈی اِنت۔
آئی ءَ گوشت کہ اے 2016ءِ آرڈیننس رسانکی در ، نوکیں الیکٹرانک رسانک آناں کارمرد کنگ ءَ چہ گیش نپ ءُُ سیت رسیت۔ آڈیننس ءَ مڈئم انٹر پرائزز ءِ آسراتی ھاسیں بھر ھوار اَنت۔ ایشی ءَ ابید کمپنی آنی شریکداری سرٹیفیک ءُُ سرمایہ کاری ءِ رکھینگ ءِ واستہ رئیلا سٹیٹ کمپنی آنی ضلورت ءِ ھوالگ ءَ ڈلگیں گپ ھوار اَنت۔ آرڈیننس آزات ءُُ نان ایگزیکٹیو ڈائریکٹرز آنی بورڈ ھوار اَنت۔
ایش آوانی دلبڈی ءَ سک باز کن اَنت۔ آرڈیننس ءِ مول ءُُ مراد کریڈیٹرز ءُُ درآمدئی شئیر ہولڈرز آنی نپ ءُُ سیت آنی رکھینگ ءِ بابت ءَ جیڈھ آناں دور ءُُ گستا کنگ اِنت۔ کمپنیز آڈیننس 2016ایندگہ بازیں چیزاں دیم ءَ کاریت۔ ایشی ءِ تہ ءَ فری زان کمپنی آنی ھاترا نرمی، کشت ءُُ کشاری شوبگ ءِ دیمروئی ءِ ھاترا ایگریکلچر پروموشن کمپنی آنی رجسٹریشن ءُُ انویسٹر ایجوکیشن ءُُ سرپدی فنڈ ءِ برجائی ھوار اَنت۔
ایشی ءَ ابید آرڈیننس ءَ فراڈ، منی لانڈرنگ ءُُ ناشرکارآناں مالی کمک ءُُ گر ءُُ دار ءِ ھاترا ایس ای سی پی ءِ یکجائی پٹ ءُُ پول کنگ ءَ را مستری ءُُ چوٹ دیگ ۔ اسحاق ڈار ءَ گوشت کہ نوکیں کانود کارپوریٹ سیکٹر ءَ را آسراتی دیگ ءُُ ریلیف دیگ ءِ ھاترا برجا کنگ اِنت چیا کہ 23سالی کوھنیں کمپنی آرڈیننس 1984ءَ جوانتری آرگ سک باز ضلورت اِنت۔ اسحاق ڈار ءَ گوشت کہ بازیں شریک آنی گوما شور ءُُ سلاھ ءِ ساھت ءَ تاجر آنی گوما ءُُ مارکیٹ ءِ کلانہئیں مردم آنی گوما بازیں نمونگ ءِ کمک پُجارینگ بیت۔ آئی ءَ نوکیں کانود ءِ جوڑ کنگ ءَ ایس ای سی پی ءِ کوشست آناں ساڑات۔
