اسلام آباد(پاکستان نیوز پوائنٹ 11نومبر2016ء) وزیر مملکت اطلاعات و نشریات مریم اورنگزیب پارینے کہ سینیٹر نہال ہاشمی نا بیان حکومت یا مسلم لیگ (ن) نا موقف اف ، نہال ہاشمی ذاتی رائے نا درشانی ءِ کرینے، مسکوہی گورنر سندھ عشرت العباد دہشت گردی نا برخلاف جنگ اٹی حکومت تون اواری اٹ کاریم کرے و او اپیکس کمیٹی نا باسک ہم ئس۔ نہال ہاشمی نا کنڈآن مسکوہی گورنر سندھ انا بارواٹی بیان نا بابت تینا بیان و میڈیا تون ہیت وگپ اٹی وزیر مملکت پارے کہ مسکوہی گورنر سندھ انا بابت نہال ہاشمی نا بیان اونا ذاتی رائے مننگ کیک و دابیان آن حکومت یا پاکستان مسلم لیگ (ن) نا سروکی نا ہچ ءُ تعلق اس اف۔
اوپارے کہ مسکوہی گورنر سندھ دہشت گردی نا برخلاف جنگ اٹی حکومت تون اواری اٹ کاریم کرے و او اپیکس کمیٹی نا باسک ہم ئس ، داسہ پوسکن آ گورنر بسنے ننے مون آ ہُننگ نا گرج ءِ ۔ مریم اورنگزیب پارے کہ نہال ہاشمی تینا بیان نا تینٹ وضاحت ءِ کے کہ او دُنو سخت ءُ زبان اس انت اکن استعمال کرینے۔
