سانگلہ ہل(پاکستان نیوز پوائنٹ 11نومبر2016ء) وزیراعظم محمد نواز شریف فیصل آباد۔پنڈی بھٹیاں موٹروے سیکشن آ سانگلہ ہل انٹرچینج نا افتتاح ءِ کرے۔ دا ڈٹ آن شار و ایب و کیب نا علاقہ موٹروے تون براہ راست منسلک مریرہ، سانگلہ ہل انٹر چینج آ اِرا ٹول پلازہ غاتا مرغنی 3.7کلومیٹر ءِ۔ ڈٹ انا جوڑ جاڑ آ 29کروڑ 92لکھ خڑچ بسنے، انٹرچینج نا افتتاح نا وخت آ بنجائی وزیر امور کشمیر و گلگت بلتستان برجیس طاہر ، وزیر مملکت سائرہ افضل تارڑ و پارلیمنٹ نا باسک آک ہم ساڑی ئسر۔
انٹرچینج لکھ آ الس ءِ لاہور اسلام آباد سرگودھا اسکان آسان رسائی ایتک۔ انٹرچینج آن چنیوٹ، چک جھمرہ فیصل آباد و جھنگ اسکان رسینگ مریک۔ فیصل آباد اٹی زیر تعمیر انڈسٹریل زون نا کمرشل ٹریفک ہم انٹرچینج آن استفادہ کننگ کیک۔ سانگلہ ہل نا ہند آ انٹرچینج نا جوڑ جاڑ ہندی آبادی نا دیرینہ خواست ئس۔ ڈٹ انا پوروی آن لکھ آ خلقت آتے آسان سفری آسراتی دوبریک۔ ڈٹ آن کشاری و صنعتی شونداری نا کمک اٹ معاشی شونہالی نا کسر ہم ملنگک۔
