اسلام آباد(پاکستان نیوز پوائنٹ 11نومبر2016ء) بنجاہی وزیر برائے دفاعی پیداوار رانا تنویر حسینءَ گشتگ انت کہ امریکہ پاکستان ءِ گوں اسٹریٹجک پارٹنر شپ ءَ ارزشت دنت۔ ریڈیو پاکستان ءِ گوں گپءُُ تران کنگءَ آئی ءَ گشتگ کہ امریکہ ءَ نوکیں صدر ءِ گچین بوھگ ءُُ گچینکاری آسر ءِ معاملہ امریکہ ءِ تہی معاملہ انت ءُُ ہر آؤکیں صدر منصب ءِ سرا آھگ ءَ پد دومی ملک آں سیادی ءِ ھوالہ ءَ وتی خارجہ پالیسی لڑ ءُُ بند دنت۔
آئی ءَ گشتگ کہ امریکہ ءِ اوگانستان، ایران ءِ ھالت ءُُ نا شرکاری ءِ معاملہ ءِ سرا درستیں وڑ ءَ معلومداری داریت۔ امریکہ پاکستانءِ گوں اسٹریٹجک پارٹنر شپ ءِ ارزشت ءَ آگاہ انت ءُُ ایشیءِ ارزشت دنت۔ بنجاہی وزیر برائے دفاعی پیداوار ءَ گشتگ کہ نوک گچین صدر ٹرمپ مقبوضہ کشمیرءُُ پاکستانءِ سیم سری دمگ آں بھارت ءِ جارحیت ءَ آگاہ انت ءُُ ایشی ءِ گپ آ وتی یک بیان ءَ ہم کرتگ انت۔
رانا تنویر ءَ گشتگ کہ نوک گچین امریکہ سدر اے ھوالہ ءَ ھچ لائحہ عمل الما لڑ ءُُ بند دنت۔ آئیءَ امیت درشان کرتگ کہ اگاں امریکہ لوٹیت گڑا دست مان کنگءَ مسئلہ کشمیر ھل کرت کنت۔ پاک امریکہ سیادی ءِ ھوالہ ءَ جست کرتگیں جست ءِ پسو دئیگ ءَ آئیءَ گشتگ کہ صدر ٹرمپ ءِ سر سوبیءَ پد ءِ بیان آئی ءِ گچینکاری مہم ءِ ھالت ءَ دِگہ انت صدارتی قلمدان سنبھالگ ءَ پد آئی ءِ رویہ ءَ دِگہ شریں بدلی کیت ءُُ پاکستان ہم امریکہ ءِ گوں شریں سیادی ءِ واہشت داریت۔
