ریلویز ڈویژن نا شونداری ڈٹ آتے کن 13ارب 52کروڑ 27لکھ روپئی آن زیات نا فنڈجاری

اسلام آباد(پاکستان نیوز پوائنٹ 11نومبر2016ء) وزارت ڈٹ بندی و شونداری اینخو مالی سال انا سرکاری بشخ انا شونداری پروگرام تیٹی ریلویز ڈویژن نا شونداری ڈٹ آتے کن جم وڑاٹ 13ارب 52کروڑ 27لکھ روپئی آن زیات نا فنڈ جاری کرینے۔ حکومت اینخو مالی سال اٹی ریلویز ڈویژن نا شونداری پروگرام تے کن 41ارب روپئی نا فنڈ جتاکرینے۔ پلاننگ کمیشن نا جاری کروک حساب وکتاب نا رداٹ حکومت مین لین نا اپ گریڈیشن کن 13کروڑ 70لکھ، پورٹ قاسم کن 53کروڑ 46لکھ، حویلیاں ڈرائی پورٹ کن 2کروڑ 80لکھ، ڈرائی پورٹس ٹرمینل آ آسراتی نا فراوانی کن 22کروڑ 48لکھ، خانپور ، لودھراں ٹریک نا بحالی کن 72کروڑ، 800کوچز و 2000ویگن آتے کن 53کروڑ 81لکھ، 100 ڈی ای لوکوموٹوز کن 75کروڑ، ریلویز اسٹیشن نا اپ گریڈیشن کن 10کروڑ، لودھراں ، خانیوال سیکشن کن 73کروڑ، رولنگ سٹاک و ٹریک نا بحالی کن 73کروڑ، خانیوال ، سکھر سیکشن نا بحالی کن 88کروڑ تون اوار کیہی شونداری ڈٹ آتے کن فنڈ جاری کرینے۔