گورنر سندھ جسٹس (ر) سعید الزمان صدیقی عہدہ نا سوغند ہرفے سندھ ہائی کورٹ نا چیف جسٹس اوڑآن سوغند ہلک

اسلام آباد(پاکستان نیوز پوائنٹ 11نومبر2016ء) سندھ انا پوسکن آ گورنر جسٹس (ر) سعید الزمان صدیقی تینا عہدہ نا سوغند ہرفے۔ نجی ٹی وی چینل نا رداٹ سوغندی دود جمعہ نا سہب گورنر ہاؤس کراچی ٹی مس، سندھ ہائی کورٹ نا چیف جسٹس، جسٹس سجادعلی شاہ مسکوہی چیف جسٹس آف پاکستان جسٹس(ر) سعید الزمان صدیقی آن سوغند ہلک۔ سوغندی دود اٹی وزیراعلیٰ سندھ مراد علی شاہ، صوبائی کابینہ نا باسک آک و سیاسی راہشونک، سول و فوجی کمامدارآک ساڑی ئسر۔ یات سلے کہ پوسکن گچین مروک آ گورنر اینو اہم عہدیداران ، سیاسی شخصیت آتون اوڑدہی و مزار قائد نا دورہ ءِ کیک۔