حب اٹی تخریب کاری نا ڈٹ بے سہب، خود کش جلہو گیر ءِ زند ہ دزگیروخت اس کہ کالعدم تنظیم نا راہشون ءِ تپاخت کننگا، کارروائی ٹی ایف سی پولیس و رینجرز بشخ ہلکر

حب اٹی تخریب کاری نا ڈٹ بے سہب، خود کش جلہو گیر ءِ زند ہ دزگیروخت اس کہ کالعدم تنظیم نا راہشون ءِ تپاخت کننگا، کارروائی ٹی ایف سی پولیس و رینجرز بشخ ہلکر

کوئٹہ(پاکستان نیوز پوائنٹ 11نومبر2016ء) بلوچستان نا علاقہ حب اٹی سیکورٹی فورس آتا کارروائی، کالعدم تنظیم نا راہشون تپاخت خود کش جلہوگیر ءِ زندہ دزگیر کرسا بھلو کچ اسے ٹی سلہہ گولہ بارود دوئی کننگا۔ فرنٹیئر کور بلوچستان نا ترجمان نا رداٹ پنچ شنبے و جمعہ نا نیامی نن حساس ادارہ غاتا احوال آ فرنٹیئر کور بلوچستان حب پولیس و رینجرز آک حب اٹی کالعدم تنظیم نا کمین گاہ آ چھاپہ خلسا کالعدم تنظیم نا راہشون ءِ تپاخت اسہ خود کش جلہو گیر اسے زندہ دزگیر کننگا۔

موقع آن بھلو کچ اسے ٹی گولہ بارود، سلہہ و پمفلٹ دوئی کننگا۔ کارروائی ٹی سیکورٹی فورس آتا بھلو نفری اس بشخ ہلک داوڑ تخریب نا بھلو ڈٹ اسے بے سہب جوڑ کننگا۔ یات سلے کہ مچ آ ملک آنبار بلوچستان اٹی جاری کومبنگ آپریشن نا چرجوئی جاری ءِ۔