مزن وزیر محمدنواز شریف ءَ بلوچستان ءِ کشت ءُُ کشاری شعبہ ءَ ہمگرنچ زمیندار آنی ھاترءَ بنجاہی حکومت ءِ نیمگءَ کجام پیکج ءِ جار جنئگ ءَ وتی عہد پورا کرتگ انت آئی ءِ سرا ماں مزن وزیر پاکستانءِ شکر گزار انت، بلوچستان اسمبلی ءِ باسک پرنس احمد علی

کوئٹہ(پاکستان نیوز پوائنٹ 10نومبر2016ء) بلوچستان اسمبلی ءِ باسک پرنس احمد علی ءَ لسبیلہ ءَ مزن وزیر کسان پیکج ءَ ھوار کنگءِ سرا مزن وزیر محمد نواز شریف ءِ شکر ءَ ادا کنگ ءَ گشتگ کہ گوستگیں سال تر ءُُ تاب بلوچستان ءِ موہ ءَ مزن وزیر ءَ بلوچستانءِ کشت ءُُ کشاری شعبہ ءَ وابستہ زمیندار آنی ھاتر ءَ بنجاہی حکومتءِ نیمگ ءَ کجام پیکج ءِ جار جتگ مرچی اے پیکج ءِ منظوری دئیگ ءَ مزن وزیر ءَ بلوچستان ءِ اُلس ءِ گوں کرتگیں عہد پورا کرتگ انت آئیءِ سرا ماں مزن وزیر پاکستانءِ شکر گزار انت آئی ءَ گشتگ کہ پمگ ءِ کشت ءُُ کشار آں یک ایکڑ پنچ ہزار دئیگ ءَ نہ الما زمیندار آنی دلبڈی بیت بلکں بلوچستانءِ کشت ءُُ کشار زرعی شعبہ ءِ دیمروی ءِ ھاترءَ مزن وزیر پاکستانءِ اے گام گیج ءَ کرن یات دارگ بیت۔