اسلام آباد(پاکستان نیوز پوائنٹ 10نومبر2016ء) مزن وزیر محمد نواز شریف ءِ معاون ھاس ڈاکٹر مصدق ملک ءَ گشتگ انت کہ امریکہ ءِ نوک گچین صدر ڈونلڈ ٹرمپ ءِ گچینکاری مہم ءِ وھدءَ کرتگیں سک بیانات ءِ اثر وھد گوزگ ءِ گوں دم پرشنت۔ ریڈیو پاکستانءِ گوں گپءُُ ترانءَ آئی ءَ پاکستانی حکومت ءُُ اُلس ءِ نیمگءَ امریکی اُلس ءَ 45می صدر ءِ گچینکاری ءِ سرا مبارکباتی پیش کنگ ءَ گشتگ کہ گچینکاری مہم ءُُ ریاست ءِ بند ءُُ بست دو لہتیں معاملہ انت۔
آئی ءَ گشتگ کہ صدر گچین بوھگ ءَ پد صدر ٹرمپ ءَ کجام بیان داتگ ایشی ءَ آئی ءَ گشتگ آ درستیں امریکی آنی صدر انت ءُُ نوں امریکہ ءِ دیمرویءُُ وشحالی ءِ سفر بندات کنت ایشی ءَ ظاہر بیت کہ آئیءِ گچینکاری مہم ءِ وھد ءَ کار مرز کرتگیں سک لبز ریاست ءِ بندءُُ بست ءِ کار ءَ دم بارٹ۔ مزن وزیر ءِ معاونھاس ءَ گشتگ کہ صدر ٹرمپ ہم گوست ءِ امریکی صدر آنی وڑ ءَ امریکہ ءِ دیمروی ءِ ھاتر ءَ کار کنت۔
پاک امریکہ سیادی ءِ ھوالہءَ دست کرتگیں جست ءِ پسوءَ آئی ءَ گشتگ کہ امریکہ ءِ خارجہ پالیسی ءَ پاکستان ءَ ہما ھند الما بہ رسیت آئی ءِ آ حقدار انت۔ آئی ءَ گشتگ کہ دوئیں ملک آنی اولی ترجیح نا شرکاری ءُُ انتہا پسندی ءِ ھلاسی انت ءُُ اے جنگءَ پاکستان امریکہ ءِ اتحادی انت۔ آئی ءَ گشتگ کہ امریکہ اوگانستان ءَ امن لوٹیت ءُُ اوگانستان ءَ محکم پاکستان ءِ مفاد ءَ ہم انت۔
ایران ءِ گوں امریکہ شریں سیادی لوٹیت ءُُ پاکستان ہم وسط ایشیائی ملک آنی شر یں سیادی ءِ واہشت مند انت۔ پاک چین اقتصادی راہداریءِ ھوالہ ءَ جست کرتگیں جست ءِ پسودئیگءَ آئی ءَ گشتگ کہ روس ءُُ وسطی ایشیا راہ داری پچ بوھگ ءَ گوستگیں سد سال آں جنگ ءَ دست گٹ ملک دیمرویءُُ وشحالی ءِ نیمگ ءَ روان بئینت ءُُ ایشیءَ پاکستان ءَ ہم دیمروی ءِ نوکیں راہ پچ بیت۔
