اسلام آباد(پاکستان نیوز پوائنٹ 10نومبر2016ء) وزیر مملکت برائے آپ ءُُ توان عابد شیر علی ءَ توانءِ لوڈ شیڈنگ ءِ نوکیں پلان ءِ سرا عمل کنگ ءِ چار ءُُ تپاس گرگ ءِ ھاترءَ اسلام آباد ءَ نیشنل پاور کنٹرول سنٹرءِ تر ءُُ تاب کرتگ۔ اے موہ ءَ وزیر مملکت برائے آپ ءُُ توان ءَ نیشنل پاور کنٹرول سنٹر ءِ حکامءَ توان ءِ ترسیل ءِ باروا سرجمی ءَ بریفنگ داتگ۔
وزیر مملکت ءَ پنت ءُُ شونکرتگ کہ مزن وزیر ءِ حکمءِ ردا لوڈ شیڈنگ ءِ وھد ءَ کمی ءَ ہر جاورل ءَ یقینی جوڑ بہ کن ات۔ آئی ءَ گشتگ کہ لوڈ شیڈنگ ءَ ھاسیں کمی ھستیں حکومت ءِ ھاسیں کار نامہ انت ءُُ ماں لوڈ شیڈنگءِ سرجمیءَ ھلاسی ءِ نیمگءَ روگ ءَ انت۔ آئی ءَ گشتگ کہ اے وشیں گپ انت کہ گوست ءَ توان دئیگ ءِ نظام ءِ باروا ماہانہ سد آنی شکایت رستگ ات انت بلے نوں اے شکایت ھلاس بوتگ انتءُُ اکثر وھد اے شکایت توانءِ سرجمی ءَ بندش یا غیر اعلانیہ لوڈ شیڈنگ ءِ ھوالہ ءَ بوتگ ات آئی ءَ نیشنل پاور کنٹرول سنٹر ءِ حکامءَ پنت ءُُ شون کرتگ کہ توان دئیگ ءِ جاورال ءِ سرا مسلسل ءُُ سکیں چم ایر کرتگ انت۔ توان دئیگ ءِ ھوالہ ءَ یک وڑیں کوتاہی برداشت کنگ نہ بیت۔
