اسلام آباد(پاکستان نیوز پوائنٹ 10نومبر2016ء) مزن وزیر ءِ نیمگ ءَ شہری ءُُ ھلکی دمگ آں لوڈ شیڈنگ ءِ وھد کم کنگءِ ھاتر ءَ کرتگیں پنت ءُُ شونءِ سرا عمل بندات بوتگ انت۔ وزارت آپ ءُُ توانءِ ذرائع ءِ ردا شہری دمگ آں سے کلاک ءُُ ھلکی دمگ آں چار کلاک لوڈ مینجمنٹ کنگءَ انت۔ سسٹم ءَ توانءِ اضافی پیداوار ھوار بوھگ ءَ پد جاورال ءَ ھاسیں شر تری آتکگ انت۔
جنوری 2012ءَ لوڈ شیڈنگ ءِ دورنیہ شہری دمگ آں 8کلاک ءُُ ھلکی دمگ آں 10ءَ چہ 12کلاک ءُُ ھلکی دمگ آں 8کلاک ءُُ ءَ لوڈ شیڈنگ ءَ کمی کرتگ۔ نوں مزن وزیر ءِ پنت ءُُ شون ءِ ردا ایشی ءَ دِگہ کمی کرتگ انتءُُ شہری دمگ آں 3کلاک ءُُ ھلکی دمگ آں 4کلاک لوڈ شیڈنگ کرتگ انت۔ درستیں ڈسٹری بیوشن کمپنی آں پنتءُُ شون کرتگ انت کہ نوکیں لوڈ مینجمنٹ پلان ءِ سرا سکی ءَ عمل بہ کن انت ءُُ واجبات ءِ وصولی ءُُ توان دُزیءِ دارگ ءِ ھاترءَ ھاسیں گام گیج بہ کن ات تنکہ لوڈ شیڈنگ ءِ وھد ءَ کمی کرت بہ کن انت۔
