کوئٹہ(پاکستان نیوز پوائنٹ 10نومبر2016ء) سر وزیر بلوچستان نواب ثناء اللہ خان زہری ءَ گشتگ انتکہ صوبہ ءِ درستیں شہری آنی براھداری ءَ اضافہ ءُُ اُلس ءَ شریں شہری آسراتی دئیگ آئی ءِ ترجیح بنیات ءَ ھوار انت آئی ءِ ھاترءَ سر وزیرڈویلپمنٹ پروگرام ءِ ردا سوک اینڈ اربن انفراسٹڑکچر ءِ دیمروی ءِ ھاترءَ ڈویژنل ہیڈ کوارٹر ءُُ ضلعی ہیڈ کوارٹر آں بازیں فنڈ داتگ انت۔
کمشنر ءُُ ڈپٹی کمشنر اے فنڈ ءِ شریں دست گڈی یقینی جوڑ بہ کن انت تنکہ صوبہ ءِ اُلس ءُُ ڈن ءَ آؤکیں مہلوکءَ یک شریں بدلی ءِ احساس بہ بیت۔ اے ھیال آنی درشانی سر وزیر بلوچستانءَ قلات ڈویژن ءِ ضلع آں پروگرام ءَ ھوار کنگ ءَ دیمروی منصوبہ ءِ چار ءُُ تپاس ءِ ھاتر ءَ اڈ بوؤکیں مراگش ءَ تران کنگءَ کرتگ۔ ڈویژنءَ سیادی داروک صوبائی وزیر نواب محمد خان شاہوانی، سردار محمد اسلم، میر مجیب الرحمن محمد حسنی، باسک صوبائی اسمبلی سردار صالح بھوتانی، پرنس احمد علی احمد، ایڈیشنل چیف سیکرٹری منصوبہ بندی ءُُ دیمروی محمد داؤد بڑیچ ءُُ سیکرٹری خزانہ اکبر حسین درانی ہم مراگش ءَ ھوار ات چوشکہ کمشنر قلات ڈویژن ءُُ ہمگرن ضلع آنی ڈپٹی کمشنر آں دیمروی منصوبہ ءِ ھوالہ ءَ بریفنگ دات انت ۔
سر وزیر ءَ گشتگ کہ سی پیک ءِ مزیں بہر قلات ڈویژن ءَ گوزیت بلے راجی شاہرگ ءِ سرا شجر کاری بہ کن ات ءُُ مساپر آں شریں ااسراتی بہ دئیت شہری آں پارک، بس اسٹینڈرز ، فٹ پاتھ، سولر لائٹس، کچرہ زورگ ءِ ھاتر ءَ شریں گام گیج، نکاسی آب ءِ نظامءَ شر بہ کن ات ءُُ ڈیجیٹل لائبریری ہم جوڑ بہ کن انت۔ آئی ءَ خضدار ءَ محکمہ محنت ءِ غیر فعال ہسپتال ءَ ٹراما سینٹر ءَ بدل کنگءِ منظوری ہم داتگ۔ آئیءَ گشتگ کہ پرائم منسٹر پروگرام ءِ ردا صوبہ ءَ سرجمی وڑ ءَ 1500بست آنی سرا ھوار لہتیں ہسپتال جوڑ کنگءَ انت آھاں اُلس ءَ الاج ءُُ معالجہ ءِ شریں آسراتی بہ رسیت۔
