وھیل سول ہسپتال کوئٹہ ءُُ پولیس ٹریننگ کالج ءَ بوؤکیں نا شرکاری ءَ ہمگرنچ ماسٹر مائنڈ ءُُ آئی آسرات کار آں دست گیر کرتگ انت، سر وزیر بلوچستان

وھیل سول ہسپتال کوئٹہ ءُُ پولیس ٹریننگ کالج ءَ بوؤکیں نا شرکاری ءَ ہمگرنچ ماسٹر مائنڈ ءُُ آئی آسرات کار آں دست گیر کرتگ انت، سر وزیر بلوچستان

کوئٹہ(پاکستان نیوز پوائنٹ 10نومبر2016ء) سر وزیر بلوچستان نواب ثناء اللہ خان زہری ءَ گشتگ انت کہ وھیل سول ہسپتال کوئٹہ ءُُ پولیس ٹریننگ کالج ءَ بوؤکیں نا شرکاری ءَ ہمگرنچ ماسٹر مائنڈ ءُُ آئی ءِ آسراتی دیوک آں دست گیر کرتگ انت۔ نا شرکار آنی ھلاسی ءِ ھاتر ءَ پر ازم انت ءُُ انشاء اللہ پر امن ءُُ وانوکیں بلوچستان بہ دئینت۔ گوستءِ مقابلہ ءَ صوبہ ءَ امن ءُُ ایمنی ءِ جاورال ءَ شری آتکگ انت۔

اے ھیال آنی درشانی آئی ءَ پنچ شمبے ءَ کیو کوشن کراٹے ءِ راجی ایوارڈ دیوان ءَ تران کنگ ءَ کرتگ۔ دیوان ءَ ڈپٹی اپوزیشن لیڈر زمر ک خان اچکزئی ، سر وزیر ءِ کوآرڈینیٹر جمال شاہ کاکڑ، سیکرٹری لیب عصمت اللہ کاکڑ، ڈپٹی میئر محمد یونس بلوچ، نذر بلوچ ، جان محمد لہڑی، رخسانہ جبین، عمر خان اچکزئی ءُُ دومی ہم دیوان ءَ ھوار ات انت۔ سر وزیر بلوچستان ءَ گشتگ کہ پولیس ٹریننگ کالج ءَ بوؤکیں نا شرکاری ءِ وھیل ءِ ھوالہ ءَ جے آئی ٹی جوڑ انت۔

وھیل سول ہسپتال ءُُ پی ٹی سی ءَ نا شرکاری ءِ وھیل ءِ ماسٹر مائنڈ ءُُ آسراتی دیوک ءَ دست گیر کرتگ انت۔ آئی ءَ گشتگ کہ بلوچستان مئے کل آنی صوبہ انت وانوکیں ءُُ پر امن بلوچستان مئے مزل انت گوست ءَ مئے استاد آں ٹارگٹ کلنگ ءَ شہید کرت انت۔ آئی ءَ گشتگ کہ سر شام بازار بند بوھگ ءَ ات انت بلے مرچی امن ءُُ ایمنی ءِ جاورال شر بوتگ انت آئی ءَ گشتگ کہ من اول روچ ءَ چہ نا شر کار آں للکارتگ ات آھانی ھلاسی ءَ آرام ءَ نہ ننداں۔

آئی ءَ گشتگ کہ 2013ءَ گچینکاری مہم ءِ وھدءَ منی قافلہ ءِ سرا اُرش کرت انت آئی ءَ منی زاھگ، برات ءُُ میر وان شہید بوت انت۔ منی دلبڈی برز انت۔ سر وزیر ءَ پرنس روڈ بابا ءِ سرا سکندر شہید کمپلیکس جوڑ ءُُ نو در آنی ھاتر ءَ 10لکھ کلدار ءِ جار جتگ۔ دیوانءَ تران کنگ ءَ ڈپٹی اپوزیشن سروک زمرک خان اچکزئی ءَ گشتگ کہ کجام وھد ءَ نواب ثناء اللہ خان زہری ءَ منصب سنبھالتگ انت کجام وھد ءَ آئی ءَ سپورٹس دیوان ءَ بہر زورگ ءِ دعوت داتگ انت گڑا آ لیبی آنی دلبڈی ءِ ھاتر ءَ بہر زرتگ انت۔

مرچی ہم آئی ءِ دست گٹی آں ابید بہر زورگ باعث فخر انت امیت انت کہ آ آؤکیں وھد ءَ ہم لیبی آنی دلبڈی بہ کنت ءُُ صوبہ ءَ امن ءُُ ایمنی ءِ شر تری ءِ ھاتر ءَ ہما وھد ءَ گام گیج زوریت ۔ دیوانءَ عمر خان اچکزئی ءَ ہم تران کرتگ چوشکہ دیوان ءَ صوبہ ءِ لہتیں مردم آں راجی ایوارڈ 2016-17ہم داتگ ءُُ 25سالہ سلور جوبلی ءِ کیک ہم کاٹ کرتگ۔