سانحہ سول ہسپتال کوئٹہ و پولیس ٹریننگ کالج اٹی مروک آ دہشت گردی ٹی اوار ماسٹر مائنڈ و اونا کمکار ءِ دزگیر کننگانے، وزیراعلیٰ بلوچستان

سانحہ سول ہسپتال کوئٹہ و پولیس ٹریننگ کالج اٹی مروک آ دہشت گردی ٹی اوار ماسٹر مائنڈ و اونا کمکار ءِ دزگیر کننگانے، وزیراعلیٰ بلوچستان

کوئٹہ(پاکستان نیوز پوائنٹ 10نومبر2016ء) وزیراعلیٰ بلوچستان نواب ثناء اللہ زہری پارینے کہ سانحہ سول ہسپتال کوئٹہ و پولیس ٹریننگ کالج اٹی مروک آ دہشت گردی ٹی اوار ماسٹر مائنڈ و اونا کمکار ءِ دزگیر کننگانے، دہشت گرد آتا چٹفنگ کن پرعزم اُٹ و انشاء اللہ پرامن و خوانوک بلوچستان ترسا کاوہ ، مسکوہی نا مقابلہ ٹی صوبہ ٹی امن وایمنی نا حالیت آتیٹی گچینی بسنے۔

داخیال آتا درشانی ءِ او پنچ شنبے آ کیوکوشن کراٹے نا قومی ایوارڈ دود آن تران کرسا کرے۔ دو د اٹی ڈپٹی اپوزیشن لیڈر زمرک خان اچکزئی، وزیراعلیٰ نا کوآرڈینیٹر و ایلوفک ہم دود اٹی ساڑی ئسر۔ وزیراعلیٰ بلوچستان پارے کہ پولیس ٹریننگ کالج اٹی مروک آ دہشت گردی نا واقعہ نا بابت جے آئی ٹی اس جوڑ کرینن، سانحہ سول ہسپتال و پی ٹی سی ٹی دہشت گردی نا واقعہ غاتا ماسٹر مائنڈ و کمکار آتے دزگیر کننگانے۔

اوپارے کہ بلوچستان ننا غٹ انا صوبہ ءِ، خوانوک و پرامن بلوچستان ننا مزل ءِ، مسکوہی ٹی ننا استاد آتے ٹارگٹ کلنگ اٹی شہید کننگا، اوپارے کہ سرشام بازار آک بند مسرہ ولے اینو امن و ایمنی نا حالیت آتیٹی گچینی ایسونن، اوپارے کہ ای اولیکو دے ئی دہشت گردآتے لکاریفیسوٹ اوفتا چٹفنگ اسکان آرام اٹ تولپرہ۔ اوپارے کہ 2013ء ٹی گچین کاری مہم نا وخت کنا قافلہ غاجلہو کننگا ہراٹی کنا مار ، ایلم و دوست آتے شہید کننگا، کنا حوصلہ غاتا بھلن ءُ، وزیراعلیٰ پرنس روڈ باباآ سکندر شہید کمپلیکس جوڑ کننگ و طالب علم آتے کن 10لکھ روپئی نا پڑو کرے۔

دود آن تران کرسا ڈپٹی اپوزیشن لیڈر زمرک خان اچکزئی پارے کہ ہراوخت آن نواب ثناء اللہ زہری منصب ءِ سنبھالانے، ہراتم اودے سپورٹس دود اٹی ساڑی مننگ نا سلہ خلکونن تو او گوازی گر آتا است بڈی کن ساڑی مس، اینو ہم اونا اختہ ہی تا باوجود شرکت باعث فخر ءِ، اومیت ءِ کہ او پین وخت اس ہم گوازی گر تا است بڈی ءِ کیک و صوبہ ٹی امن وایمنی نا گچینی کن بروخت گام گیج چست کینہ، دود آن عمرخان اچکزئی ہم تران کرے وخت اس کہ دود اٹی صوبہ نا کیہی شخصیت آتے قومی ایوارڈ 2016-17ہم تننگا و 25سال سلور جوبلی نا کیک ءِ ہم کاٹنگا۔