پاک فوج انا سروک جنرل راحیل شریف تون ترکمانستان نا وزیر دفاع و قومی سلامتی نا اوڑدہی

راولپنڈی(پاکستان نیوز پوائنٹ 10نومبر2016ء) پاک فوج انا سروک جنرل راحیل شریف تون ترکمانستان نا وزیر دفاع و قومی سلامتی اوڑدہی کرے۔ پاک فوج انا شعبہ تعلقات عامہ (آئی ایس پی آر) نا رداٹ ترکمانستان نا وزیر دفاع و قومی سلامتی جی ایچ کیو راولپنڈی آ سرمس تو پاک فوج انا چاق و چوبند دستہ اودے سلامی تس۔ اوکان گڈ او جی ایچ کیو ٹی شہید آتا یات گار آتا پھل آتا چادر اس شاغا۔ اوکان گڈ ترکمانستان نا وزیر دفاع آرمی چیف تون ون آن ون اوڑدہی کرے ہراٹی ہڑتوم آ ملک آتا کسبی است خواہی نا معاملہ، علاقائی سیکورٹی تون اوار ایلو معاملہ غاتیا درشانِ خیال کننگا۔