کوئٹہ(پاکستان نیوز پوائنٹ 10نومبر2016ء) کوئٹہ میٹروپولیٹن کارپوریشن نا ڈپٹی میئر محمد یونس بلوچ پارینے کہ ورناک اقبال نا شاعری و پاکستان نا درخشاں ستارہ غاک ءُ۔ شاعر مشرق ڈاکٹر محمد اقبال خودی ناکلہو ءِ ورناتیٹی اومیت و جوزہ ودی کننگ ءِ۔ داخیال آتا درشانی ءِ او پنچ شنبے آ اے پی پی تون ہیت وگپ کرسا کرے۔ محمد یونس بلوچ پارے کہ ڈاکٹر علامہ محمد اقبال کون آ شخصیت آک پیڑی تیٹی ودی مفسہ اونا شاعری ورنا وطالب علم آتے کن مشعل راہ ءِ۔
علامہ محمد اقبال نا شاعری مسلمان تیٹی پوسکن ءُ روح اس شاغا۔ او بیست ءُ یک می صدی نا عظیم شخصیت ءِ ہنداخاطران المی ءِ کہ ورنانسل مطالعہ نا عادت آتے تینا کرسا مفکر پاکستان علامہ محمد اقبال نا بیداری اتحاد امت و خودی نا کلہو ءِ سمجھنگ کن شاعر مشرق محمد اقبال نا شاعری و تعلیمات آتا مطالعہ ءِ کیر۔
