سپریم کورٹ خواجہ محمد آصف نا برخلاف مخالف اومیت دار نا کنڈآن دائر اپیل آتے خارج کرے

اسلام آباد(پاکستان نیوز پوائنٹ 10نومبر2016ء) سپریم کورٹ بنجائی وزیر دفاع خواجہ محمد آصف نا برخلاف مخالف اومیت دار عثمان ڈار و ارشد بگو نا کنڈآن دائر اپیل آتے خارج کرے۔ یات سلے کہ الیکشن 2013ء نا وخت حلقہ این اے 110سیالکوٹ آن مسلم لیگ (ن) نا اومیت دار خواجہ محمد آصف 92ہزار وونٹ ہلسا سرسہب مسوسس ولے مخالف اومیت دار عثمان ڈار و ارشد بگو اونا سرسہبی ءِ الیکشن ٹربیونل اٹی چیلنج کریسس ہراکان اونا برخلاف فیصلہ بننگ آن گڈ ہڑتوم آ اومیت دارآک سپریم کورٹ آن رجوع کریر۔ سپریم کورٹ مریس سماعت آن گڈ عثمان ڈار و ارشد بگو نا اپیل آتے خارج کرے۔