اسلام آباد(پاکستان نیوز پوائنٹ 9نومبر2016ء) مزن وزیر محمد نواز شریف ءَ امریکہ ءِ نوک گچین صدر ڈونلڈ جے ٹرمپ ءَ صدارتی گچینکاری 2016ءَ تاریخی سر سوبی ءِ سرا مبارکباتی دئیگ ءَ گشتگ انت کہ آ دوئیں راج آن نزد آرگءِ ھاتر ءَ آھاں گوں یکجا کار کنگ ءِ واہشت مند انت چوشکہ پاکستان امریکہ ءِ گوں دو نیمگی سیادی ءَ دِگہ دراجی دئیگ ءِ ھاتر ءَ پُر ازم انت۔
چار شمبے ءَ نوک گچین امریکی صدر ءِ نام ءَ وتی تہینیتی کلہو ءَ مزن وزیر ءَ پاکستان ءِ حکومت ، اُلسءُُ وتی نیمگءَ ڈونلڈ ٹرمپ ءُُ امریکہ ءِ اُلس ءَ امریکہ ءِ 45می صدر ءِ جہت ءَ آھاں گچین ءِ سرا پر خلوص مبارکباتی داتگ۔ مزن وزیر محمد نواز شریف ءَ گشتگ کہ ایشی ءِ گچینکاری در حقیقت امریکہ ءِ اُلس ءُُ آئی ءِ جمہوریت ، آجوئی ، انسانی حقوق ءُُ آزادانہ انٹڑ پرائز ءِ تصور آنی سرا پختہ یقین ءِ فتح انت۔
کل آں ھاسیں گپ ایش انت کہ آئی ءِ شر یں سر سوبی ایے یقین دنت کہ امریکہ ءِ اُلس ءَ وتی شریں ملک ءِ ھذمتءِ ھاترءَ آئی ءِ سروکی،بصیرت ءُُ ازم ءِ سرا بھروسہ ءِ درشانی کرتگ انت مزن وزیر ءَ گشتگ کہ آ امریکہ ءِ گوں دو نیمگی کمک ءَ دراجی دئیگ ءُُ سوگو کنگ ءُُ زیات کنگءِ حکومتی ازم ءِ عہد کنت کہ آ دوئیں راج آنی امیت ءِ مطابق بیت۔ مزن وزیر ءَ گشتگ کہ آ دوئیں ملک آں نزد آرگ ءُُ خطہ ءُُ ایشی ءِ ڈن امن، سلامتی ءُُ وشحالی ءِ پجارینگ ءِ ھاترءَ وتی یکجا شریداری ءَ ھاسیں ذریعہءِ پڑءَ کار مرز کنگ ءِ ھاترءَ نوک گچین امریکی صدر ءِ گوں یکجا کار کنگ ءِ واہشت مند انت۔
