بلوچستان ءِ لیبی آں شریں راھشونی ءُُ سروکی بہ کن انت گڑا آ ملکی ءُُ میاں استمانی پڑ ءَ نام رژن کرت کن انت، صوبائی سیکرٹری لیب ءُُ امور ورنا عصمت اللہ کاکڑ

بلوچستان ءِ لیبی آں شریں راھشونی ءُُ سروکی بہ کن انت گڑا آ ملکی ءُُ میاں استمانی پڑ ءَ نام رژن کرت کن انت، صوبائی سیکرٹری لیب ءُُ امور ورنا عصمت اللہ کاکڑ

کوئٹہ(پاکستان نیوز پوائنٹ 9نومبر2016ء) صوبائی سیکرٹری لیب ءُُ امور ورنا عصمت اللہ کاکڑ ءَ گشتگ انت کہ بلوچستان ءِ لیبی آں بے پناہ ٹیلنٹ ھست انت آھانی شریں راھشونی ءُُ سروکی بہ کن ات گڑا آ ملکی ءُُ میاں استمانی پڑ ءَ بلوچستان ءِ نام رژن کن انت۔ کوئٹہ ءِ ھواری ءَ درستیں بلوچستان ءَ اسپورٹس کلچر ءَ دیمروی دئیگ ءِ ھاتر ءَ اسپورٹس تنظیم ءِ تجویز ءِ خیر مقدم کنگ بیت۔

سر وزیر بلوچستان نواب ثناء اللہ خان زہری ءُُ صوبائیوزیر لیب ءُُ امور ورنا میر عبدالرحمن محمد حسنی ءَ ورنا ءُُ زانتکار آں لیبی آنی مسئلہ ھل ءُُ لیب ءِ پڑ آبات کنگ ءِ ھاترءَ ھاسیں لائحہ عمل لڑ ءُُ بند داتگ انت پرچاکہ لیب ءِ پڑ ءَ آبات بوھگ ءَ ہسپتال ویران بئینت۔ آئیءَ گشتگ کہ ورنا نسل ءَ چاگرد ءِ شریں شہری جوڑ کنگءُُ آھاں ذہنی ءُُ جسمانی نشوءُُ نما ءِ ھاترءَ درستیں بلوچستانءَ حکومت لیبءِ دیمرویءِ ھاتر ءَ باز زر ھرچ کنگ ءَ انت۔

عصمت اللہ کاکڑ ءَ گشتگ کہ بلوچستانءِ ہونہار لیبی آنی ٹیلنٹ دیما آرگ ءِ ھاتر ءَ محکمہ لیب ءُُ امور ورنا آں دِگہ گامگیج کنگ ءَ انت تنکہ لیبی آں زیات ءَ چہ زیات لیب آنی آسراتی دات بہ کن انت ءُُ آھاں منفی ترندی ءُُ چاگردی ھرابی آں دور کرت بہ کن انت۔