سرگودھا(پاکستان نیوز پوائنٹ 9نومبر2016ء) مزن وزیر محمد نواز شریفءَ وطن ءِ ھذمت ءِ ھاتر ءَ پاک فضائیہ ءِ جبزگ ءَ ستا پیش کنگءَ گشتگ انتکہ پاک فضائیہ ءَ ملکی دفاع ءَ شریں کرد پیش داشتگ انت۔ آئیءَ اے گپ چار شمبے ءَ فضائیہ ءِ افسر ءُُ ورنا آں گوں گپءُُ تران کنگءَ کرتگ۔ آ پاک فضائیہ ءِ جنگی مشق ” ہائی مارک“ ءِ مشاہدہ ءِ ھاتر ءَ مصحف ایئر بیس سر بوتگ ات۔
مزن وزیر ءَ ایئر مین، سٹاف ، افسر ءُُ ورنا آنی زانتکاری ءَ سہڑائینگ ءَ ” ہائی مارک“ مشق آنی سر سوبی ءِ سرا مبارکباتی داتگ۔ آئی ءَ گشتگ کہ بالی مشق آھاں ہدف ءِ ھاتر ءَ کرت انت، آ حاصل کرتگ انت، آئیءَ گشتگ کہ پاک فضائیہ ءِ سرا راج ءَ فخر انت، پاک فضائیہ ءَ ملکی دفاع ءِ ھاتر ءَ پاک فوج ءُُ بحریہ ءِ گوں یکجا کار کرتگ۔ مزن وزیر ءَ گشتگ کہ پاک فضائیہ ءَ آپریشن ” ضرب عضب“ ءَ مزنیں سر سوبی گپتگ انت۔
اے آپریشن ءَ نا شرکار آنی مسُک پرشتگ انت۔ آئیءَ گشتگ کہ پاک فضائیہ ءِ شاہین مئے فخر انت، دیما پاک فضائیہ ءِ سروک ایئر چیف مار شل سہیل امان ءُُ دومی برزیں حکامءَ ایئر بیس آھگ ءِ سرا مزن وزیر ءَ وش آت کرتگ۔ ہائی مارک مشق آں فضائیہ ءِ جنگی زانتکاری ءِ درشانی کنگ ءَ انت۔ پاک فضائیہ ءِ دستہ ءَ مزن وزیر ءَ سلامی پیش کرتگ ءُُ مزن وزیر ءَ پریڈ ءِ معائنہ کرتگ ۔
اے موہ ءَ پاک فضائیہ ءِ طیارہ آں مزن وزیر ءَ سلامی ہم پیش کرتگ۔ مزن وزیر ءَ پاک فضائیہ ءِ مشق” ہائی مارک“ ءِ باروا بریفنگ ہم داتگ۔ اے مشق ہر 4سال پد بئیت۔ پاک فضائیہ ءِ مشق ” ہائی مارک“ ءَ ایف سولہ ، جے ایف 17تھنڈر، ایف سیون میراج طیارہ بہر زورگ ءَ انت۔ مشق آنی مکسد پاک فضائیہ ءِ پیشہ وارانہ زانتکاریءَ اضافہ کنگی انت۔ مزن وزیر ءَ پاک فضائیہءِ افسر ءُُ ورنا آنی ہمراہ گروپ فوٹو ہم جوڑ کرتگ۔ مشق آں ہدف گرگءِ ھاتر ءَ افسر ءُُ ورنا آں شریں کرد پیش کرت انت ءُُ آھاں ہدف ءِ ھاتر ءَ اے مشق کرت انت کہ آ سر سوبی بہ رستگ۔
