ڈیرہ مراد جمالی(پاکستان نیوز پوائنٹ 9نومبر2016ء) ڈیرہ مراد جمالی نا خڑک ترند رفتار تیل انا ٹینکی و موٹرسائیکل اس ڈوک لگار ، اسہ بندغ اس تپاخت و اِرٹ ٹھپی مسر۔ پولیس دمدستی کارروائی کرسا تیل انا ٹینکی نا ڈیور ءِ دزگیر کریر۔ پولیس نا رداٹ ڈیرہ مراد جمالی نا سی این جی اسٹیشن نا خڑک قومی شاہراہ آ ترند رفتار تیل انا ٹینکی نمبر ttc654موٹرسائیکل ءِ ڈوک خلک ہرانا سوب 3بندغ رب نوازبھٹو، بشیر احمدبھٹوو محمد رفیق کلوڑا ٹھپی مسر تیل انا ٹینکی ڈیور تون اوار موقع آن نرا۔
احوال ملنگ آ سٹی پولیس جاگہ غا سرمس و ٹھپی ءِ سول ہسپتال آ سرکریر ہراڑے طبی امداد آن گڈ ٹھپی ءِ مستی درمان کن لاڑکانہ غا گدریفنگا ہراڑے کسر اٹی ٹھپی محمد رفیق کلوڑا ٹھپ آتا وس ءِ ہتنگ کتو دنیا ءِ الا۔ پولیس دمدستی وڑاٹ علاقہ نا ناکہ بندی ءِ کرے و نصیر آباد و جعفر آباد نا سیم انا خڑک تیل انا ٹینکی ءِ تحویل اٹی ہلسا ڈیور کبیر خان ءِ دزگیر کرسا مقدمہ درج کریر۔
