اسلام آباد(پاکستان نیوز پوائنٹ 9نومبر2016ء) پاکستان اٹی امریکی سفیر ڈیوڈ ہیل پارینے کہ پاک۔ امریکہ تعلقداری تیٹی جمہوریت اسہ کلیدی تمبہ اسے، اینو نن داڑے تینا جمہوریت ءِ کاریم کرسا خننگ اُن۔ داہیت ءِ او چارشنبے آ داڑے امریکی سفارتخانہ ٹی قومی دے و جمہوری عمل نا بابت دود آن تران کرسا پارے۔ ڈیوڈ ہیل پارے کہ صدر باراک اوباما و وزیراعظم محمد نواز شریف مسکوہی سال وائٹ ہاؤس اٹی مروک آ اوڑدہی ٹی پاک۔
امریکہ تعلقداری تیٹی جمہوریت ءِ اسہ کلیدی تمبہ اس گوندنگ نا بابت اسیجائی عزم انا اعادہ ءِ کریسر۔ اوپارے کہ اینو نن داڑے تینا جمہوریت ءِ کاریم کرسا خننگ اُن، تقریباََ اسہ ہزار مہمانک امریکہ نا قومی دے و 8نومبر آ مروک آ امریکی صدارتی گچین کاری تا نتیجہ غاتے ملاخط کننگ کن چارشنبے نا سہب امریکی سفارت خانہ ٹی اڈ ہلوک آ اسہ دود اسے ٹی ساڑی ئس۔ دُن تو امریکی الس روایتی وڑاٹ تینا قومی دے ءِ 4جولائی آ اڈ ایتک ولے امریکی سفارت خانہ امریکی دودوربیدہ ٹی گچین کاری و جمہوری عمل نا اہمیت ءِ تالان کننگ کن دا دود ءِ اڈ تننگ کن نومبر تو انا گچینی ءِ کرے۔ داوخت آ لاہورآن تعلق تخوک آ پنی طائفہ سچل اسٹوڈیوز انا خلوک آ ”جاز“ دھن تیان ہم لطف اندوز مس۔
