ماڈل ایان علی نا برخلاف کسٹم جرمانہ کیس انا سماعت وکیل نا عدم پیشی نا سوب اِرا ہفتہ کن ملتوی

اسلام آباد(پاکستان نیوز پوائنٹ 9نومبر2016ء) اسلام آباد ہائی کورٹ ماڈل ایان علی نا برخلاف کسٹم جرمانہ کیس انا سماعت درخواست گزار نا وکیل نا عدم پیشی نا سوب اِرا ہفتہ کن ملتوی کرے۔ چارشنبے آ عدالت عالیہ نا جسٹس اطہر من اللہ سماعت کرے ۔ ایان علی نا وکیل سردار لطیف کھوسہ عدالت اٹی پیش متو ہراڑآ عدالت کیس انا سماعت ءِ اِرا ہفتہ کن ملتوی کرے۔ ایان علی کرنسی سمگلنگ کیس اٹی کسٹم عدالت نا کنڈآن عائد کردہ جرمانہ ءِ اسلام آباد ہائی کورٹ اٹی چیلنج کرینے۔