پاک فضائیہ ملکی دفاع ٹی کلیدی کڑد ادا کرینے،

وطن نا خذمت کن پاک فضائیہ جوزہ ستاکڑزک، وزیراعظم محمد نواز شریف نا مصحف ایئر بیس آ فضائیہ نا افسر و ورناتے تون ہیت وگپ

پاک فضائیہ ملکی دفاع ٹی کلیدی کڑد ادا کرینے، 
وطن نا خذمت کن پاک فضائیہ جوزہ ستاکڑزک، وزیراعظم محمد نواز شریف نا مصحف ایئر بیس آ فضائیہ نا افسر و ورناتے تون ہیت وگپ

سرگودہا(پاکستان نیوز پوائنٹ 9نومبر2016ء) وزیراعظم محمد نواز شریف وطن نا خذمت کن پاک فضائیہ نا جوزہ ءِ خراج تحسین پیش کرسا پارینے کہ پاک فضائیہ ملکی دفاع ٹی کلیدی کڑد ادا کرینے۔ او داہیت ءِ دوشنبے آ داڑے فضائیہ نا افسر و ورناتتون ہیت وگپ کرسا پارے۔ او پاک فضائیہ نا جنگی مشق ”ہائی مارک“ نا جاچ اکن داڑے مصحف ایئر بیس آ سرمسوسس۔ وزیراعظم ایئر مین، سٹاف، افسر و ورناتا لائخی تا ستاءِ کرسا ”ہائی مارک“ مشق آتا سرسہبی آ مبارکبادی تس۔

اوپارے کہ فضائی مشق آک ہراہدف آتے کن کننگار ، او دوئی کننگانو۔ اوپارے کہ پاک فضائیہ آ قوم ءِ فخر ءِ ، پاک فضائیہ ملکی دفاع کن پاک فوج و بحریہ تون اواری اٹ کاریم کرے۔ وزیراعظم پارے کہ پاک فضائیہ آپریشن ”ضرب عضب“ اٹی بھلو سرسہبی اس دوئی کرے۔ دا آپریشن دہشت گرد آتا مخ انا ملی ءِ پرغانے۔ اوپارے کہ پاک فضائیہ نا شاہین ننا فخر ءِ۔ داکان مست پاک فضائیہ نا سروک ایئر چیف مارشل سہیل امان و ایلوبڑزکوکمامدارآک ایئر بیس آ بننگ آ وزیراعظم ءِ بخیر کریر۔

ہائی مارک مشق آتیٹی فضائیہ نا جنگی مہارت آتامظاہرہ کننگ انگ ءِ۔ پاک فضائیہ نا دستہ وزیراعظم ءِ سلامی پیش کرے و وزیراعظم پریڈ نامعائنہ ءِ کرے۔ داوخت آ پاک فضائیہ نا جہا زآک وزیراعظم ءِ ہم سلامی پیش کریر۔ وزیراعظم ءِ پاک فضائیہ نا مشق ”ہائی مارک“ انا بارواٹی بریفنگ ہم تننگک۔ دا مشق آک ہر 4سال گڈ مریرہ۔ پاک فضائیہ نا مشق ”ہائی مارک“ اٹی ایف سولہ ، جے ایف 17تھنڈر، ایف سیون میراج جہاز آک بشخ ہلنگ ءُ۔ مشق آتامقصدپاک فضائیہ نا کسبی لائخی تیٹی ودکی کروئی ءِ۔ وزیراعظم پاک فضائیہ نا افسر وورناتے تون اوار گروپ فوٹو اس ہلفے۔ مشق آتیٹی ہدف دوئی کننگ کن افسر و ورناک کلیدی کڑدادا کریر و ہراہدف آتے کن دامشق آک کننگار او سرسہبی اٹ دوئی مسر۔